台慶頒獎禮 最後5強揭盅 鍾嘉欣提名贏家 與林夏薇爭視后

·2 分鐘文章
鍾嘉欣未知能否現身頒獎禮。
鍾嘉欣未知能否現身頒獎禮。

鍾嘉欣於台慶頒獎禮共有4項提名打入5強,暫時成為「大贏家」,雖然未知屆時會否出席,但高層曾志偉坦言:「冇話唔出席就唔畀!」而「視帝」之戰就由張振朗硬撼譚俊彥,2人被看高一線。

《萬千星輝頒獎典禮2021》將於下月2日舉行,昨日記者會上宣布各大獎項5強名單,席間,無綫總經理曾志偉被問到屆時鍾嘉欣會否出席時,他謂:「唔知呀!會叫祖藍去搵佢。(唔到都有獎攞?)冇考慮呢個因素,冇話唔出席就唔畀!」而他的新抱王敏奕入圍「飛躍進步女藝員」5強,他笑謂:「呢個先係最唔驚喜,差啲想畫走佢呀!」

姚子羚開心同台競逐

鍾嘉欣憑着劇集《星空下的仁醫》提名的「最佳女主角」、「最受歡迎電視女角色」、「最受歡迎電視歌曲」及「最受歡迎電視拍檔」殺入5強;而《星》劇亦有11項提名。鍾嘉欣受訪時謂:「好多謝大家支持,獎項就隨緣啦!期待當日嘅結果,好刺激呀!」視后對手姚子羚表示多年前與嘉欣合作《金石良緣》結緣,能夠同台競逐很開心。而封后呼聲甚高的林夏薇信心卻一半半,她謂:「最近喺街多咗市民同我加油,反而更加緊張,感覺好似代表支持我嘅觀眾出賽咁。」至於黃智雯則指現時忙拍劇,暫沒時間拉票,但很開心入5強。

振朗揮低祥仔爭視帝

張振朗憑着《拳王》進身「視帝」5強,同劇黎耀祥反而榜上無名,說他打倒祥仔時,振朗謂:「唔關我事嘅,多謝觀眾投票,都要多謝祥哥一路教曉咗我好多。」而祥仔受訪時謂:「失望又唔會,大家都係咁有實力,我睇好張振朗同譚俊彥。」而譚俊彥則表示:「入5強固然開心,我已盡力拉票,到時會揀件靚衫出席頒獎禮。」

林夏薇今年有不少出位演出,有力一爭視后寶座。
林夏薇今年有不少出位演出,有力一爭視后寶座。
曾志偉率領眾藝員現身,公布頒獎禮最後5強名單。
曾志偉率領眾藝員現身,公布頒獎禮最後5強名單。
張振朗對《拳王》未能角逐「最佳劇集」大感可惜。
張振朗對《拳王》未能角逐「最佳劇集」大感可惜。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能