雅虎香港新聞 Yahoo Travel HK
台灣黑熊恐步後塵 絕種動物系列：台灣雲豹
台灣黑熊呢種為台灣獨有嘅亞種動物，近十年八年開始提倡保育以來，已經成為台灣其中一個象徵一樣，唔少商標、盛事嘅吉祥物都係台灣黑熊。不過除咗台灣黑熊之外，相信好多人都唔知十數年前台灣仲有另一種獨有土產動物，與黑熊並存為「台灣最大型肉食動物」，可惜已經宣佈絕種喇，就係「台灣雲豹」。雲豹為台灣獨有嘅貓科雲豹亞種，又名「高砂豹」，1862年首次被記錄，其全身呈黃褐色，額頭、肩部有黑色斑紋，頸及身體有大塊雲黑斑，身上斑點處處，只係腹部有兩側大斑向後，因此遠望尤如雲朵一樣。根據考古紀錄，雲豹3,000年前已經出沒於台灣深山，直至1862由英國探險家發現並正式紀錄，不過數量極度稀少，只有山區原住民先有機會有時見到其出沒，百多年來人類見到嘅紀錄嘅次數非常少，更連一張野外雲豹照片都無。但據講當年原住民曾因為其皮毛而大量獵殺；而台灣及後嘅城市發展亦令雲豹失去唔少棲息地。而好可惜根據台灣、美國聯合考察隊經過13年調查，於2014年正式宣布台灣雲豹已經絕種。失去咗雲豹，台灣人更加珍惜僅有嘅黑熊，可憐嘅雲豹總算犧牲得有少許價值。如果大家仲想親眼欣賞呢種動物，目前只有國立台灣博物館有一隻日治時期留下嘅標本。
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
台灣雲豹為海外其他雲豹嘅亞種，為台灣獨有物種。
（圖：Simon Hsu@flickr）
2014年正式宣布，台灣雲豹完全絕種。
目前只有從標本之中先可以再次欣賞到雲豹之美了。
相關文章：
