同樂運動會｜被質疑違國安 主辦方：資金透明，已聯繫警方應付突發事件

同運今屆首次登陸亞洲，在香港舉行，籌備以來一直遭何君堯及反同團體的抨擊。何昨日指，主辦單位疑與境外勢力有關，促港府禁止任何違法活動；有反同運人士亦指若葉劉淑儀堅持任同運主禮嘉賓，應辭去職務。

指葉劉續任主禮嘉賓

同樂運動會今（2 日）召開記者會，宣布將會有逾 2,000 位健兒參賽，當中 58% 來自香港，屬歷屆最多亞洲參賽者的一次。同運開幕禮將於本周六（4 日）於伊館舉行，屆時來自世界各地的健兒均會出席。

林敏蕙指，主辦單位由始至終尊重法律，絕對守法，「我哋都希望所有參加嘅朋友遵守香港法律，呢樣嘢從來冇改變過，我哋唯一嘅目標就係做到多元共融，點樣可以透過運動同文化節目，令好多人走埋一齊」。她續指，葉劉淑儀將會繼續擔任開幕禮主禮嘉賓，暫未有其他政府官員出席。

被問到會否擔心反同運人士於活動現場示威，林敏蕙重申希望所有人尊重法律。大會將安排安檢，並已與警方聯繫，以備應付突發事件。

同樂運動會大使、真人騷《仔仔一堂》參加者 Louis 指，大眾經常標籤同性戀「淫蕩」，「反對人士嘅領導人曾經係律師會會長，我唔係好明點解佢會講呢啲嘢」。對於葉劉淑儀近日稱同性婚姻在港「無可能發生」，由她擔任主禮嘉賓是否抵觸同運理念，Louis 指葉劉淑儀是行政會議成員，「佢會明白香港個 political structure 係點運作，所以我哋無得 comment」。

歡迎健兒高舉彩虹旗

今年渣打馬拉松有跑手高舉彩虹旗被大會禁止。林敏蕙指，彩虹旗是性小眾社群中的標誌，「只要參加者想，我哋都唔會阻止人去做，只要嗰樣嘢係合情合理，以尊重形式去展出，我哋係歡迎」。

對於有反同運人士質疑活動資金來源，林敏蕙指資金來自各贊助商，活動大使本身亦需自費參與各項運動項目，「我哋有專業審計師嘅審計，全部公開、透明，有誠信盡責」。