雅虎香港新聞 西環美食︱90後接手三十年歷史粥店 新鮮炸油炸鬼 必試雞蛋蔥花腸 $35食到厚切豬潤生滾及第粥
西環這間光猛企理的粥店，樓面由年輕人打理，背後竟然是做了粥品四十多年的師傅，價錢非常相宜！即睇Yahoo Food專訪：
老店買少見少，不想味道失傳，大家可以做的，就是見一間支持一間。最近在堅尼地城找了一間外表光猛企理的傳統粥品小店，晚飯時段人流不絕。望望餐牌，直頭是時光倒流價，白粥$13/碗，$21/碗皮蛋瘦肉粥，及第粥$35/碗，炸兩$18/碟。以為舊派粥店一定是上了年紀的銀髮族打理嗎，樓面店員竟然清一色是後生仔，何解配搭如此有趣？
👉🏻全新Yahoo Food Instagram上線啦！立即Follow獲取更多飲食攻略
每日鮮炸油炸鬼 唔脆唔用
問過兩位年輕店主，迷底解開。原來是家庭式小生意，爸爸葉師傅做了粥品四十多年，早於炮台山有間小店，營業至今三十多年，由他一手一腳打理。至於堅尼地城這分店，由葉師傅一對仔女幫手。家姐Katie及細佬Joe自小在粥舖傳菜落單，熟悉樓面之餘，煲粥，炸油炸鬼，捲腸粉都訓練有數。「不過爸爸要求好高，好似油炸鬼，舖頭一直都請唔啱師傅做。我哋學完，都係未符合爸爸心目中標準。」細佬Joe說。他們試過用叫貨來的油炸鬼，沒錯是慳功夫，但口感完全不合格。因此堅持自家製油炸鬼，麵糰要按當日溫度及濕度調整，拉麵糰時要用陰力。油炸鬼炸出來，不只要味道好，還要賣相齊整，靚仔，才算過到關，一點也不易。現時店內油炸鬼，牛脷酥，煎餅、煎堆等油器，仍然由葉師傅把關。這裏的油炸鬼不會一早炸好備用，而是每日分不同時段炸，每次炸少量，由最早5:30am至2pm一轉，4pm至8pm(或9pm)又一轉，基本上全日都在炸油器，確保夠新鮮。「 有時夜晚油炸鬼放耐咗，唔脆唔好食，我哋會索性截單唔再賣。」Joe補充。
一孖油炸鬼金黃色，完整又對稱，外表好看。表面無油份，外層實淨脆卜卜，內裏卻鬆軟，配白粥或配腸粉成炸兩都好夾。
條條金黃 蔥花雞蛋腸
條條金黃色的油炸鬼脆卜卜，不油膩，拿來做炸兩，簡單好食。至於另一店招牌腸粉，同樣不用叫貨，用傳統布拉方法製造，即叫即做，熟客都有心理準備稍等。招牌「蔥花雞蛋腸」花足心機，蛋花和蔥花打勻，腸粉皮透出鮮黃色的蛋花，加少少煮過的甜豉油，清新不鹹。
腸粉近乎即叫即做，油炸鬼夠新鮮，兩者配合，腸粉滑，油炸鬼鬆脆，再加煮過的甜豉油，甜醬辣醬芝麻，好滋味！
個個外表圓碌碌又完整，夠香脆。
為老友記熟客 粥品少鹹易吞 推介蠔豉肉片粥
粥當然也是主角，共三十多款，分為生滾粥及即熟粥。最抵食是「生滾及第粥」($35)，新鮮豬潤厚切大大塊，比坊間流行米線店的薄薄豬潤大件幾倍！ 啖啖肉口感豐富，又嚐到新鮮豬潤甜；又如艇仔粥，跟足傳統做法，以免治牛肉撈炸脆的米粉，葉師傅強調既要保持牛肉的口感，也要有牛味，當中的比例就見功夫。驚喜位是餐牌有一款坊間不多見的「蠔豉肉片粥」，以肥美蠔豉配肉片，很受老一輩街坊歡迎。至於粥底，加入腐足及皮蛋，熬至碎爛增添口感及提味。每晚師傅都會煲好幾大煲粥供翌日使用，煲出來的粥，啖啖綿滑有米香。又考慮到不少客人都是上年紀的老友記，粥品都刻意少鹹，質地不會太濃稠杰身，方便長者們咀嚼下嚥，這種小店獨有的人性化做法，和粥品一樣暖心。
腸粉皮夠薄，蛋汁加得足，加上蔥香，蘸少少提味好足夠。
很受老友記客人歡迎，有菜有肉，健康不膩又有營養。
粥滑軟綿，魷魚豬皮爽彈又鮮甜。
豬雜新鮮兩點是新鮮豬潤快快厚切兼足料，質地爽滑，不韌不嚡。
蠔豉肥美，肉片滑溜。
心滿意粥
地址：西環堅尼地城卑路乍街102-114號聯友新樓地下A號舖(地圖按此)
電話：61954538
全新訂座平台「Yahoo訂餐廳×Openrice」正式上線！
更多西環美食推介
西營盤美食｜法式小酒館Bistro Breton開業兩周年 推$10嘆法國生蠔優惠
西營盤美食｜Crushed Wines強勢回歸變身小酒館 $180起嘆品酒套餐 重點推介烤橡果南瓜配布拉塔芝士和榛子奶油/Roquefort藍芝士通心粉
西環美食︱地道意大利餐廳LucAle推時令白松露菜式 大推白松露南瓜忌廉/巨型意大利芝士雲吞
西環美食｜意大利家庭式餐廳Casa Cucina 主打新鮮手工意粉 推介波士頓龍蝦扁麵條/雪蟹意大利雲吞
西環美食｜新派中菜食府The Praya 歡樂時光新推特色小食 必食港式臘肉拼盤/南乳炸雞翼
西環café︱真隱世！運動舖樓上開café 哈利波特式紅磚拱門打卡位
西環美食︱咖啡師開甜品店！液態食材直接變刨冰 超濃奶香100%牛奶刨冰
西環美食｜Cafe2 Oyster n Grill麻辣牛肉芫荽薄餅任加芫荽！即開生蠔買一送一優惠
西環美食｜西營盤印度摩登酒吧Tandoori Bites 印度老闆免費派飯2年/意式印度薄餅/炭火烤餃子
西環美食│母女檔日式家庭料理小店 燒鯖魚茶漬飯+芝士柚子卷蛋+牛角酥窩夫
西環美食｜本地手工啤酒Gweilo鬼佬首開5,000呎英國菜餐廳 2星期轉Menu/啤酒變Party Food
西環美食｜手工意粉推介！西營盤三層意大利菜餐廳 大廚赴美兩星餐廳學藝回港開餐廳
西環美食｜DAM:A韓國新派麵店！必食超濃厚韓式蟹皇麵+煙燻6小時超軟腍豬肋骨
西環美食｜澳洲越南粉過江龍Eat Fuh開外賣店 必食超濃味燉牛肉Pho/$98風乾4小時越式燒雞
西環美食｜西營盤CP值超高潮州人粉麵店！必試蝴蝶腩黃喉湯米、鮮牛肉胡椒豬肚湯米
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸鍋食譜、自助餐優惠，仲有飲食達人教你識煮識食，讓你成為真正全面的美食家，仲唔立即下載？
