西環美食|澳洲越南粉過江龍Eat Fuh開外賣店 必食超濃味燉牛肉Pho/$98風乾4小時越式燒雞
西環向來都是臥虎藏龍的美食寶藏,就連一間專賣越南Pho的外賣店,原來都是澳洲過江龍!說的就是於澳洲悉尼,越南華人家族「阮氏」經營的Eat Fuh。除了牛肉Pho,還有雞湯跟素菜湯河,相當吸引!
【立即讚好】全新 Yahoo Food Facebook 專頁
5款皇牌湯底 生牛肉湯燉牛肉湯Pho各不同
Eat Fuh在澳洲以餐車形式起家,現時於悉尼有8間店,西環店是第一間海外分店。「我同Cary曾經喺悉尼住過一段長時間,因為好鍾意食Pho,返到嚟香港就好想開返間越南河店,當時就諗起Eat Fuh。」Terence說,於是他跟哥哥Cary和拍檔Kevin便將Eat Fuh的代理談回來,並且親力親為煲煮每一煲湯。
比起平日越南餐館只有一至兩款湯底,Eat Fuh就有5款湯底,包括牛肉湯、雞湯、素菜湯、燉牛肉湯跟白肉湯底。首次來到,定必會問牛肉湯跟燉牛肉湯,有甚麼分別?「兩者最大分別,就係牛肉湯用牛筒骨、牛脊骨及牛尾去煮,而燉牛肉湯就用牛肉去煮。」Terence解答。
牛肉湯Pho加入肉桂、烤薑和豆蔻等食材一同烹煮8小時,湯頭清澈且帶來豐富的香料味。「好多店嘅Pho都會用油份多啲嘅和牛,但喺澳洲都係用肉味濃嘅部位,所以我哋用返澳洲同紐西蘭嘅肉眼。」他邊說邊將湯底翻熱,另一款燉牛肉湯Pho亦沒有給生牛肉比下去,用上紅、白蘿蔔跟越南香料,喝起來有點像港式羅宋湯,配料由生牛肉轉成份量十足的燉牛肉,美味又滿足。
雞肉迷必食雞雜湯河 4小時風乾越南燒雞
Eat Fuh最厲害是牛肉湯Pho做得好,雞湯Pho跟素菜湯都同樣有驚喜,「我哋用足50公斤本地雞殼去煮個湯,所以你飲到好濃嘅雞味,但唔會覺得油。」Cary補充,想吃得豐富,店內的特別雞肉湯河就有齊雞肉、雞心、雞腎、雞肝跟雞蛋,平日喜歡到日本串燒店吃雞串燒的話,就記得別錯過。
「西環好多街坊客,所以我哋都準備左原隻越式燒雞,俾佢哋外賣買返屋企加餸。」Terence說,這隻燒雞每天限量24隻,為甚麼如此限量?原來是因為每隻燒雞以香茅、香料和亞洲香草醃製一整天,烤完還要掛起4小時,花時間又花人力,難怪數量有限。
要說到Eat Fuh最大的缺點,大概是暫時只供應外賣,雖然大家買完可以在店內站立享用。但是越南湯河最美味的一刻還是煮好後,放在湯碗內馬上享用。現在的外賣碗放上豐富的配料,吃起來難免有點逼迫跟狠狽,加上站立享用,總是顯得有點匆忙。畢竟如此美味的越南湯河,值得安坐在店內,好好細味。
Eat Fuh
地址:西環西營盤皇后大道西 345A 地下(地圖按此)
營業時間:11:00am-09:00pm
全新訂座平台「Yahoo訂餐廳×Openrice」正式上線!
更多西環美食推介
【西環美食】西環隱世美式熱狗店 自製醬汁配料/必試麻婆豆腐熱狗
【西環Cafe】IG洗版西營盤Cafe!異國橙紅色設計小店歎牛角包窩夫
【西環美食】滷味老店二代棄做會計繼承父業 潮州滷水鵝都可以做網店外賣
【西環美食】海鮮批發第三代開海鮮餐廳!平民價品嚐酒店級數海鮮
【西環Cafe】4個90後開環保咖啡店!可分解外賣杯/咖啡渣再造杯/減碳本地炒豆
【今晚食乜好】唔知今晚食乜餸?立即去Yahoo Food 食譜專頁搵靈感
>>按此下載<< 全新Yahoo APP,送你價值$468優雅月季花蛋糕,同媽媽過一個甜蜜母親節,立即下載!