向海嵐相隔18年重演楊貴妃網民驚呼：個樣無變過！

東方新地 - 娛聞

更新日期： 2018年7月23日上午4:37

近日，向海嵐相隔18年後再次扮演貴妃娘娘楊玉環，並現身於四川省合江縣。今次著上古裝衣飾扮楊貴妃並非拍戲，而是為當地荔枝旅遊節做宣傳，但重點就落於現時42歲的向海嵐身上，皆因她外表如凍齡般，就與18年前演楊貴妃時一模一樣！

撰文：東方新地｜圖片：向海嵐微博、電視截圖

向海嵐相隔18年重演楊貴妃

現時42歲的向海嵐於2015年復出娛樂圈，繼上年以楊貴妃造型現身拍廣告後，近日她又以貴妃look出巡，巡到去四川省合江縣，為當地的荔枝旅遊節做宣傳。雖然不是真正拍戲，但一身的衣著完全毫不馬虎，見她穿上一身金色古裝服飾，身旁亦有多位婢女貼身侍候，出場之勢格外霸氣！

今次向海嵐為當地的荔枝旅遊節做宣傳，但就好似搞到拍戲咁款，唔講都差嘅誤會咗成件事。不過，排場咁大就知當地相當重視荔枝旅遊節！

向海嵐更還透露自己有順道參觀了百年荔枝林同貴妃文化廣場，還即摘即食了不少當地的荔枝！

楊貴妃出巡的向海嵐真的猶如回到古代，出巡時相當有氣派，滿街兩旁都是人，睇嚟向海嵐都非常受圍觀的民眾歡迎，場面墟冚！

向海嵐這次扮演楊貴妃已是相隔18年前，但除了樣子冇太大變化外，內裡依然相當有氣質，但唔少網友最想知都係向海嵐何時會再拍古裝劇！

向海嵐於1998年參加香港小姐競選獲得四料冠軍而入行，99年代表香港參選國際華裔小姐，代表香港奪得首個季軍。

其劇集代表作有《楊貴妃》、《無頭東宮》和《胭脂水粉》，其中《無頭東宮》的奸妃一角更令向海嵐演技受到很多讚賞和認同！

她於2008年5月1日正式告別娛樂圈，有部份網民表示一直欣賞她特別超群的角色演出，對她退出娛樂圈感到可惜，希望她重回TVB拍劇。

2000年播出的《楊貴妃》是她首部古裝，亦擔任第一女主角，當年這部劇中向海嵐的造型轟動一時！

向海嵐於2015年宣布復出，可惜至今仲未有任何消息聽到她會回到TVB拍劇，真係想快啲睇到她的新作！