向Jer下戰書挑「肌」 AK冇女陪 整甜品只嘗孤獨

本月16日生日的MIRROR副隊長Anson Kong（AK）昨日獲節目組提前慶生，他指生日願望不是脫單，反而想與隊友衝出香港開騷。提到爆肌照引起粉絲哄動，他認為操得未夠弗，會視張繼聰為目標，並歡迎隊友Jer挑機！

AK昨日為ViuTV新節目《Have A Sweet Gym》進行拍攝，聯同藝人黃婉曼齊齊向前香港男子劍擊運動員林衍聰學劍擊，期間AK獲送上蛋糕預先慶生。

他笑言今年是最後一個2字頭生日，希望身體健康，受傷的手指早日復原。問到會否想早日拍拖？他說：「暫時未有太大想法，我想早日搬出嚟住，可以養隻狗，亦希望MIRROR可以喺紅館開騷，仲可以去其他國家演出，因為好想同隊友有個去外地演出嘅回憶！」

謙稱身材只值70分

提到最近拍攝爆肌廣告，獲粉絲激讚，他謙稱是鍛煉的少少成果，仍未夠好：「只得3星期操練，如果有多啲時間練會好啲。今次畀自己70分，希望可以操到好似張繼聰咁，佢係我嘅目標。」對於隊員Jer曾表示想學他影爆肌照，他稱讚對方身材好，期待他的表現。

AK表示是首次接觸劍擊，以前一直想學但沒機會。節目中，他還會炮製甜品，記者指懂烹飪的男生會加分，他無奈地說：「但我依家仲係一個人，加分都冇用。」另外，黃婉曼自認欠缺運動細胞，認為劍擊可訓練頭腦，故有意讓女兒學習。