吳千語晒老公施伯雄一年前求婚照 名車配超大束紅玫瑰羨煞旁人
吳千語(Karena)早前被爆嫁「富三代」施伯雄,簽紙當日嘅相片喺網上瘋傳,佢哋兩人隨後亦都發文正式宣布結婚,更加晒出多張靚爆婚照,並宣布下年會搞婚禮,真係羨煞旁人。噚日(26日),Karena更喺微博晒出多張求婚時嘅靚相,仲透露原來施伯雄一年前已經求婚,而施伯雄亦都有回覆老婆,冧到爆啊!
噚日,Karena喺微博晒出多張求婚時嘅靚相,相中所見佢哋兩人當時都身穿禮服非常合襯,而施伯雄就出動一架名車同一束超大紅玫瑰求婚,Karena亦都感動落淚,而施伯雄就非常開心大笑;另外亦都有兩人挽手合照,場面溫馨得嚟又Sweet到爆!Karena亦都喺貼文打上「Yes ❤️🤎 23.10.2022 」,透露上年10月已經被求婚。施伯雄隨後亦都有冧爆回覆老婆:「429 天前我問了吳總人生中最重要的問題,謝謝你給了我機會有你這個施太 💙💙💙」 。
相關內容: