吳紫韻靠古天樂取「暖」

主播吳紫韻首次拍電影就有機會跟男神古天樂做對手戲，並被對方舉動「暖」到，她大讚男神表面不苟言笑，但實際是暖男一名。不過，她直言揀男友不注重外表，只看重才華，現時雖未有對象，卻有計劃雪卵。

無綫娛樂新聞台主播吳紫韻（Purple）最近成為《姊妹淘》的生力軍，她稱《姊妹淘》是舒適圈，因為台前幕後都是熟人，反而娛樂台每次訪問的對象不同，面對重量級的前輩藝人就特別緊張。

Purple又大爆藝人私下不為人知的一面，當中包括其男神古天樂，她透露初入行時有機會跟對方合作拍電影：「雖然佢表面好Cool，好少講嘢又唔笑，但我相信佢係個暖男。有次導演講要點走位，但我作為新人唔係好明白，跟住我好細聲自言自語『即係點樣』，古生聽到就幫我開口問導演，叫導演講解多次，同埋我着住高踭鞋，佢會話：『未到你，你坐吓先啦！』就算我只係客串一、兩場戲嘅演員，佢都會好重視你。佢當時剛做完手術，仲有塊膠布貼住，我覺得佢真係好犀利，即時心心眼，而且我向來好鍾意佢，認定佢一定係暖男，好細心。」

嘆結婚壓力大

雖然Purple視古天樂為男神，但她自言揀男友不看重外貌：「唔需要靚仔，但要有樣嘢吸引我或者有嘢值得我學習，仲要孝順、專一、心地好，風趣會加分。」她坦言以前恨結婚生仔，但現在覺得結婚壓力大：「我上一任男友係上海人，佢視我為結婚對象，拍拖半年第1次雙方家長見面，已經講到準備地方畀我哋婚後住，令我壓力好大，我話再講呢個話題我就走。」雖然她仍未有結婚對象，但因為喜歡小朋友，已有雪卵打算。