呂頌賢恨同Edan「父子檔」拍劇

呂頌賢久未拍劇,盼有機會留港開工。
呂頌賢久未拍劇,盼有機會留港開工。

藝人呂頌賢前晚出席活動,對於獲網民大讚56歲仍保養得宜,他謙稱:「啲前輩、同輩都保養得好好,可能我少喺香港,啲人咁耐冇見我。(網民話你同MIRROR成員Edan撞樣?)我未見過佢本人,但睇其中一張相覺得幾似。(想你哋演父子?)我OK,睇吓ViuTV有冇興趣搵我合作。」

同場的黎瑞恩透露早前去了澳洲一個半月:「陪個女入大學,佢一個人住,我幫佢執吓間屋。囡囡好唔捨得我走,今日打電話問我幾時過去。」又指在當地逗留期間,兩母女都感染新冠肺炎,幸5日後已痊愈。

另外,Edan與隊友Jer等主演的新片前晚舉行煞科宴,古天樂以投資人身份趕及在散席前到現場打氣。據知聚餐時眾人嚴格遵守防疫措施,每枱8人。近日本港受天雨影響,台前幕後一度擔心煞科前數天的外景未能完成,幸毛舜筠坐鎮即天公作美,大隊順利完工。

Edan與Jer(左)參加煞科宴。
Edan與Jer(左)參加煞科宴。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能