唔識MIRROR!衛志豪被網友辣着 發千字文反擊

唔識MIRROR!衛志豪被網友辣着 發千字文反擊
唔識MIRROR!衛志豪被網友辣着 發千字文反擊

藝人衛志豪與網友爆罵戰!衛志豪昨日有份參與《開心大綜藝》直播,他在社交網上載限時動態直擊現場情況,怎料有網友傳送MIRROR開騷的相片給他,又留言指他的節目太老土,衛志豪嬲爆上載該網友的對話截圖,並發出千字文反擊!

有網友Send咗MIRROR演唱會相畀衛志豪,衛志豪回覆:「唔識佢」
有網友Send咗MIRROR演唱會相畀衛志豪,衛志豪回覆:「唔識佢」

有網友Send咗MIRROR演唱會相畀衛志豪,衛志豪回覆:「唔識佢」

他留言:「Sorry 我真係瞓唔著(着)!我想問吓識得我嘅朋友,有冇人可以答到我,呢個人究竟正職係做乜,友台工作人員、演唱會宣傳人員、藝人經理人、定保母???」又指昨日是母親節不想生氣,但被該網友辣着:「但呢位先生唔知點解係都要撩我,我真係忍唔住,你唔delete啲對話 我都冇咁嬲,你delete即係你覺得唔啱數,最憎啲人講過嘅嘢唔算數,答咗你咁耐,最後話可能send錯,咁我唯(惟)有講出黎(嚟)等大家評吓理,如果我有錯,我可以公開道歉。」

之後被寸老土,佢忍唔住反擊!
之後被寸老土,佢忍唔住反擊!

之後被寸老土,佢忍唔住反擊!

他透露昨日與《伙記辦大事》一同上《開心大綜藝》做嘉賓,與香港觀眾一同慶祝母親節:「我覺得係榮幸同埋責任黎(嚟)嘅,我地(哋)嗰部分短短幾分鐘嘅嘢,都排咗兩日,更何況一班表演嘅小朋友同埋四位上台又唱又跳嘅媽咪,我都唔知佢哋排咗幾耐!重未計台前幕後同埋幾位司儀!仲有就係,原本我冇親眼見到我都唔信,一位冇份演出嘅高層,我兩日綵排都見到佢一早企咗喺度,喺現場,睇採排俾(畀)意見,最後走嗰隻,佢之前睇咗幾多晚我就唔知啦!」

他又質問該網友:「同你又唔係好熟,我唔知你send呢啲說話俾(畀)我係咩意思,我以前做娛樂新聞十幾年,見盡大大小小明星藝人,大部分我都訪問過,好多都做咗朋友,我知道我每一句說話代表我自己嘅人格,所以我識得尊重別人,我唔知我個post有咩得罪你,你以咩身份同我講呢返(番)話?」

對方道歉都冇用!
對方道歉都冇用!

對方道歉都冇用!

他更忍不住爆粗表示:「你可以話我演技差、口才唔好或者樣衰都得,但你唔可以抹煞一個節目成功與否,每樣嘢都有人鍾意有人唔鍾意,你唔鍾意想叫人認同你?個節目我都有份做,你想我俾(畀)咩反應你,成個節目嘅人都係我朋友!個個都識十幾年!what the Fxxx !」

最後他承認不認識MIRROR:「唔認識呢班後生仔,佢哋都唔會識我,但我都佩服佢哋!祝演出成功。」又表示歡迎娛樂圈百花齊放。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!