單身又如何？單身貴族必讀求生指南

每個人都渴望被愛，但要在茫茫人海中找個伴卻又談何容易？與其求奇搵個伴，但你的心與身都尚未ready，何需急於一時。別做坐以待斃的單身狗，即使單身，也要盡情享樂，開心迎接滿fun單身生活。學懂以下6招，讓你的獨身生活過得更精彩。

1. 練成自己一個人都能自在食大餐
以往一個人食飯，常被人評為「孤獨Meal」，但懂得享受孤獨，其實是一大好處。一個人食飯，想食咩就食咩，不用遷就其他人，就如以前我那個Ex很麻煩，茄子西芹青椒辣椒都統統不吃，結果我最愛的魚香茄子，拍拖兩年就絕食兩年。一個人呢？理得你呀！食飯時，喪睇靚仔又得，被靚仔望兩眼又得，鍾意的話，撩下有型侍仔也可以，只可惜香港靚仔太少呢。

2. 一個人出入戲院無有怕
睇戲最怕沒有靚位，不下一次要被逼坐前四行的座位，更多時候還要被逼睇一些不想睇的片種。一個人睇戲，就算幾遲買飛入場，都一樣可以坐到靚位，觀影質素超好，單丁位其實最佳。同時，遇著自己想睇的電影，不用度時間，好似一個人睇《單身又如何》咁，fit晒啦。

3. 擊退親友「疲勞轟炸」型的慰問
過時過節，最忌親友們所謂的溫馨提示，問你幾時買樓幾時結婚，單身貴族生性愛自由：「我係鍾意一個人自由自在呀，吹咩？」以後無論任何親友的溫馨提示又好，疲勞轟炸也好，要不是介紹鑽石靚仔王老五給我，否則統統收聲彈開幾丈遠。

4. 努力保持青春、心境年輕
有仔趁嫩生，有拖趁早拍？太out了吧，知不知道現時離婚率高過結婚率呀，除非唔係。女生呢，不用注重如何找男人的，反而找出自己的問題，從而面對再改善，並找出個人心水需要，努力保持青春、心境年輕，這才是最重要的。

5. 無懼後生女，繼續喜愛夜蒲
身邊有個男人阻住夜蒲，點搵食呀？好似電影入面的Dakota Johnson所演的Alice，閒時與女朋友們一齊夜蒲，各有各搵食之餘，得閒又可以互提意見，最重要是一整個森林就在面前，可以慢慢揀，逐晚逐個逐吋揀。擔心後生女爭食？Come on，大家target不同，而且你要知道自己那年齡層的優點，然後加以發揮，千萬別用自己的缺點和人家的優點硬拼呀。世間呢，不是個個都是天王揀嫩模咁冇taste架！

6. 好好計劃人生，擅於理財增值自己
單身的好處，過時過節不用買禮物討男友及其家人的所謂歡心，慳返啲錢，慢慢儲起來吧。同時，單身又不一定只做瑜伽的，當你擁有更多時間和金錢，就可盡情發展事業和興趣，正如片中的Lesile Mann飾演的Meg就是一例，女強人之餘，又有正能量氣場，很易吸引優質筍盤。要記住，有事業有質素的女人不就是「筍盤」嘛？男人都有眼睇，懂得憐香惜玉的，現在只是時機未到而已。

(資料由客戶提供)