國企高層拖女行街被炒 女主角董思槿再有性感照流出 疑發文解畫兼鬧網民封建

早前國企中石油已婚高層胡繼勇，拖住一位著露肩裝嘅靚女喺四川成都行街，點知被網路街拍平台影到。中石油同日發聲明指公司黨委高度重視事件，立即免去胡繼勇職務。更爆嘅係，有消息指胡繼勇同佢太太，以及相中嘅小三，都係喺中石油同一單位工作。有公司員工話大家都等住「食花生」。而女主角董思槿身份亦隨即曝光。

內地網民搵到疑似董思槿回應事件嘅帖文，解釋來龍去脈，否認同高層有染。董思槿嘅講法係佢同胡繼勇一行5人去成都出差，食完飯之後去咗街拍熱點行街。董思槿話當時有攝影師想影佢，佢想「逗逗」平時一本正經嘅胡繼勇，就提出話要拉埋「胡書記」拖手拍片，胡繼勇喺同事壓力下應承。

董思槿話胡繼勇喺公司「像父親一樣存在」，胡太亦好似阿媽咁對佢地照顧有家。董思槿仲批評網民「你們的心理就那麼骯髒不堪嗎？」、「封建社會嗎？用不用我去裹小腳？」，並且將自己比作曾經同內地男星吳秀波傳緋聞嘅宋軼。

有網友聲稱搵到董思槿微博，入面有大量佢嘅私照，當中不乏性感造型，呢期就再有新相流出。

內地盛傳董思槿家底雄厚，老豆係官方重點栽培領導人才之一，而董女就先後喺日本及美國留學，畢業後以「海歸」身份回國工作，穿戴有唔少都係名牌。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！