【外語930】《精銳部隊》－無主之城只能以暴易暴？

2007年香港上過部攞咗柏林影展金熊獎嘅巴西電影《精銳部隊》（Elite Squad)，電影由Jose Padilha執導，以貧民窟槍戰開場，充滿血腥暴力同秒秒都係危機嘅緊張感。當中黑道無法無天令人髮指，不過警隊都唔見得有幾除暴安良，所以先成立呢支精銳暴隊！《精》對於當時嘅香港觀眾嚟講，難以代入巴西嘅境況，變成小眾電影。如果依家睇，成件事可能唔同哂！

電影發生係1997年嘅巴西里約熱內盧，警察貪污腐敗以權謀私，令佔據貧民窟的毒犯變得更無法無天，黑白兩道混亂不堪。由於教宗即將到訪，BOPE精銳部隊隊長拿斯門度(Wagna Moura飾)奉命深入Turano貧民窟掃蕩毒犯，誓要將毒梟、罪犯一網打盡。大戰一觸即發，要換取短暫的和平，精銳部唯一取勝的途徑就是以暴易暴！

這場極度危險的血戰令拿斯門度陷於精神崩潰的邊緣，將為人父的他急於退下火線，但他必須先找到接班人。此時，兩名份屬好友的新紮警員加入了BOPE的地獄特訓營 - 熱血的尼度(Caio Junqueira飾)為人衝動，冷靜的馬提亞斯(André Ramiro飾)則優柔寡斷。他們中間誰有資格成為拿斯門度的接班人？ BOPE和毒犯的終極大戰又會如何了斷？

一場死傷無數的血洗罪惡城戰役，就是行使公義的最佳諷刺……

戲內嘅警隊可謂人見人憎，因為佢地同爛仔無分別︰收保護費但唔做嘢，警區之間互相推卸責任而將條屍搬嚟搬去。提親警隊2個字，民眾表示反感居多，想警民合作減少罪行簡直係天方夜譚！加上政府又唔做嘢，結果黑白兩道私刑不斷，往往用槍及暴力解決對方，做平民只可以冀求好人一生平安，因為隨時都有機會被流彈所傷，就算你唔係住貧民區，一樣有機會因為睇你唔順眼，日光日白被捉走槍殺再被火燒！

戲內嘅巴西冷血暴力到令人心寒！你以為BOPE係正義化身？錯，因為政府採取無眼屎乾淨盲嘅方法，特別成立一支類似飛虎隊嘅精英部隊，授權佢地突擊需清洗區域，以有殺錯無放過嘅方法，快狠準咁清洗社區，粉飾太平！無錯，政府嘅取態係寧願用暴力對付暴力，而唔係改善問題根源！

10年前睇《精銳部隊》覺得用暴力執法好牽強，依家諗返原來香港同巴西唔係好大分別。