大玩特玩萬聖節｜25歲陳嘉慧與唐詩詠撞樣 火速成力捧小花仲升呢老闆娘

25歲陳嘉慧近嚟喺TVB機會多多，升呢成為新一代力捧小花。繼喺《明星運動會》大騷身材及《醫醫，我不想再病了》扮演護士，陳嘉慧最近又喺周日（24日）播出嘅萬聖節限定綜藝節目《大玩特玩萬聖節》再次以護士造型出現。

《大玩特玩萬聖節》將會一連三個星期日晚上10時半播出，上周日（24日）就播畢第一集。首集主持為林盛斌（Bob）、區永權及陳庭欣，嘉賓則有翟威廉、楊潮凱、周志康、黃美棋、林秀怡、羅毓儀、朱智賢、杜穎珊、李芷晴及陳嘉慧。眾人以萬聖節造型亮相，林盛斌與陳庭欣打扮成「愛登士家庭」，而陳嘉慧除咗身穿粉紅色護士裝，仲著埋一對網絲襪，同樣靚爆搶鏡。

陳嘉慧被指與唔少女藝人撞樣，例如唐詩詠、劉心悠、賈靜雯，係名典型靚女，仲精通日文。陳嘉慧12歲時跟媽媽移居日本，2017年大學畢業回流香港，本身諗住參選港姐，但就覺得自己唔夠靚所以改為參加第29期藝員訓練班，翌年正式入行。2020年成為《Think Big天地》主持一份子，拍攝《BenSir睇樓團》、《大玩特玩》、《眼睛去旅行》等綜藝節目，又演出過《解決師》、《迷網》等多套電視劇，近日亦完成短劇《愛上我的衰神》女主角嘅拍攝。另外，陳嘉慧與拍檔投資6位數字喺銅鑼灣開設頭髮護理美容中心成為老闆娘，仲會喺舖頭親力親為幫客人做頭皮分析同Treatment。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！