妳不是她｜波波黃婧靈失寵後再拍劇 IG晒美照慘遭網民揶揄？

TVB劇集《妳不是她》由丁子朗、馮盈盈、張頴康、林景程、馬貫東、黃庭鋒、車婉婉、姚嘉妮、彭慧中等人出演；亦有網民留意到劇集竟然有久未曝光電視嘅波波黃婧靈（前名：黃凱儀），於劇內飾演馮盈盈助手。不過，波波嘅演出暫時未獲太多評價，但有網民因波波「咪神」形象對其有意見。日前，波波於社交平台分享飲珍珠奶茶嘅日常照，相入面嘅波波身穿灰色上衣及牛仔窄裙，大曬長腿，亦因上衣緊身嘅關係將36E豐滿身材呈現，唔少網民讚賞波波身材，但都有網民直接叫波波要用時間讀書增值自己，用晒啲時間影啲咁嘅相，將來老咗會後悔。

波波2017年加入TVB，為《#後生仔傾吓偈 》其中一名KOL，傲人身材及出位言論大受關注，加上曾志偉於節目中曾半開玩笑地點名表示欣賞波波，之後波波就陸續被安排於多個節目中亮相；除咗擔任《The Show Must Go On》嘉賓訓身大玩遊戲、廣告代言，更加有份主持J2節目《冇人性教育》，絕對可以話係新一代愛將。直至今年，波波工作量大減，更被指被2021年香港小姐季軍兼友誼小姐邵初取代其愛將位置，邵初陪同曾志偉出Trip，得寵程度超越波波。相反，波波早於3月份做完節目《健康必殺食》其中一集嘉賓後久未有新作，IG上所分享嘅照片都係有關做運動同飲飲食食。今次有幸出演《妳不是她》，波波就表明好享受拍劇過程，希望未來可嘗試更多角色。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！