姜濤當選2021 YAHOO年度熱搜娛圈風雲人物 三甲都係MIRROR相關搶韓星風頭

·2 分鐘文章
姜濤當選2021 YAHOO年度熱搜娛圈風雲人物 三甲都係MIRROR相關搶韓星風頭
姜濤當選2021 YAHOO年度熱搜娛圈風雲人物 三甲都係MIRROR相關搶韓星風頭

YAHOO香港今日公布十大熱搜娛圈風雲人物,由搜尋數據透視藝人受歡迎程度高低!今年MIRROR同ERROR一齊跑出人氣高企,十大位置點少得佢地。

根據內部數據,MIRROR以及各成員今年嘅搜尋次數,更勝過去幾年壟斷十大嘅韓流明星,再次令香港藝人喺「主場」贏返次!

2021年Yahoo搜尋「十大熱搜娛樂圈風雲人物」排行榜三甲,都係由MIRROR成員奪得。MIRROR兩大人氣王姜濤Anson Lo(盧瀚霆)分別奪得冠軍及季軍,而以團名「MIRROR」搜尋則佔據亞軍。

姜濤
姜濤
Anson Lo
Anson Lo

連同第7位ERROR成員193(郭嘉駿)、第8位MIRROR成員Edan(呂爵安),ViuTV 兩大男團於十大位置共佔5席,受歡迎程度、廣告代言數量同搜尋次數成正比。

TVB面對ViuTV日益強大的聲勢,銳意革新綜藝節目,其中《聲夢傳奇》被視為對付ViuTV嘅秘密武器。《聲夢》2位人氣選手都打入熱搜娛圈風雲人物十大,炎明熹打入排行榜第6位,姚焯菲排行第10。而由年頭頒獎禮對住老公王浩信「無表情」,到年尾台慶一襲銀色性感晚裝搶晒鏡嘅陳自瑤就佔據第5位。一直受網民熱捧、今年共推出兩套劇集的視后李佳芯,連年打入排行榜,今年奪得殿軍,成為TVB最高排名藝人。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能