姜濤登上有線新聞 被野生捕獲變打波市民

·1 分鐘文章

MIRROR成員姜濤係ViuTV藝人,點解會喺有線曝光?

姜濤登上有線新聞 被野生捕獲變打波市民
姜濤登上有線新聞 被野生捕獲變打波市民

尋日消委會測試止汗劑,有線新聞嘅報導片段入面,剪輯咗市民大熱天時打波嘅片段作為開場。有粉絲發現,咦!呢位市民咪就係姜濤?

姜濤登上有線新聞 被野生捕獲變打波市民
姜濤登上有線新聞 被野生捕獲變打波市民

片段只有十秒左右,見到姜B喺籃球場上著住冇袖TEE素顏打波,又紮起辮仔,其實幾難認得,不得不佩服攝影師夠眼利!而記者亦好識抽水,旁白稿以「烈日下打籃球,就快『焫焫焫焫焫焫著』」配合畫面。

至於係邊個球場?為姜B著想,你地自己估啦。

唔止姜B,以往發哥周潤發同劉青雲都試過去街市買餸被記者捉住做訪問,喺內地發展嘅韓國男團Got7香港成員王嘉爾亦有接受網媒記者街訪,係認唔到明星定特登谷收視?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能