姜濤鄰居!林明禎新居入伙風騷迎貴賓
馬來西亞女神林明禎早前於香港搬新居,被爆月租4萬住西營盤豪宅,做人氣王姜濤鄰居,不過仲係裝修階段,尚未正式入住。事隔2個月,女神香閨已經完成裝修兼入伙,呢日佢仲自爆有第一位貴賓駕到,佢網晒多段影片,見佢於花園位置同客人共進午餐,四面被竹林包圍,非常寫意,而且有落地玻璃門直通屋內,環境闊落空間感十足。而林明禎一見到呢位「貴賓」即表現風騷,全程笑晒口仲扭身扭勢,原來呢個咁重要嘅客人就係佢細佬,佢表示:「今日放假但更忙碌,因為大寶弟大駕光臨,新家的第一位貴賓!」網民即紛紛表示好羨慕其細佬:「這真是世上最幸福的弟」、「姐姐還缺弟弟嗎?」、「做你弟弟真幸福」。