威尼斯影展妮歌潔曼封影后 奔喪未能上台 艾慕杜華首套英語片奪金獅獎︳電影LOL

第81屆威尼斯影展於周末圓滿結束，競賽部份頒獎禮上，西班牙導演艾慕杜華44年來首套英語片The Room Next Door，獲得最高榮譽金獅獎，係5年前獲頒終身成就金獅獎嘅「艾生」，導演生涯首次獲得金獅獎呢項大獎。The Room Next Door由Tilda Swinton 同Julianne Moore兩大阿姐級女星主演，講述一對分隔多年嘅好友重逢，Tilda Swinton片中角色患癌，遂向Julianne Moore提出安樂死嘅想法。艾慕杜華形容拍英語片對佢而言好似拍科幻片，並強調有尊嚴地辭世係基本人權。

今屆威尼斯影后屬於妮歌潔曼同安祖蓮娜祖莉之爭，最後由妮歌潔曼憑Babygirl一片封后。不過，妮歌潔曼並未有上台領獎致詞，而係由導演Halina Reijin代領。原來妮歌潔曼抵達威尼斯當日就得知母親逝世嘅噩耗，於是立即飛回老家奔喪。Halina Reijin為妮歌潔曼讀出的得獎感言中，妮歌表達出媽媽對佢嘅重要，而呢一刻佢心碎了。Babygirl中，妮歌潔曼飾演嘅已婚企業高層出軌偷食小鮮肉，令佢面臨事業同婚姻危機。安祖蓮娜祖莉喺新片Maria表現出眾，相信今個「頒獎季」，妮歌潔曼vs安祖蓮娜祖莉嘅大戰將會不斷上演。

至於影帝，Vincent Lindon以The Quiet Son爆小冷擊敗呼聲甚高、主演Queer嘅「占士邦」Daniel Craig。今屆最佳導演就由Brady Corbet以片長3個半鐘嘅新作The Brutalist奪得。電影講述二戰後猶太裔建築師到紐約生活嘅經歷，題材呼應住當今以哈戰爭引發嘅反猶太主義，應該會係「頒獎季」提名大熱。值得一提係，該片男主角Adrian Brody 繼2003年《鋼琴戰曲》奪得金像影帝後，極有可能再次入圍角逐金像金球獎男主角。

更多電影文章

嘩鬼家族／狗陣／逆鱗／DAN DA DAN︳電影LOL 今期睇咩戲

香港戲院市道繼續疲弱 暑假檔票房比去年跌18％ 僅2套港片打入十大︳電影LOL

Winona Ryder自揭受負面報導影響無緣拍《無痛失戀》︳電影LOL

《角頭－大橋頭》台式《古惑仔》系列江湖片吸億萬票房 王陽明玩Thread爆粗出事︳電影LOL

《湄公河水鬼》越南「搵替死鬼」傳說拍鬼片 票房打低《異形》︳電影LOL

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！