娛美人:杜穎珊慳埋開店 40歲退休

·1 分鐘文章
杜穎珊藉着《#後生仔》賺了名氣,接了不少工作。
杜穎珊藉着《#後生仔》賺了名氣,接了不少工作。

無綫「瑜伽小花」杜穎珊(Sandy)6歲開始學習藝術體操,之後轉戰瑜伽,經過10年苦練,曾代表香港參加3次國際瑜伽比賽並奪得冠軍,16歲時於新加坡國際瑜伽比賽也奪4面金牌。現年25歲的她一直努力工作儲錢圓夢,最近投資50萬元與友人在尖沙咀開設瑜伽中心,邊做幕前邊做導師。

Sandy從小是運動愛好者,讀大學時打欖球,2年前考獲潛水及獨木舟牌,她受訪時說:「TVB面試時,佢哋話我講嘢咁有禮貌,不如去選港姐啦!但我唔夠高、唔夠瘦,一開頭都唔知要做節目,後來做《#後生仔傾吓偈》,真係冇諗過人生發展會係咁。」

曾患「暴食症」

談到升呢做老闆,她說:「做咗《#後生仔》後接咗唔少廣告,啲酬勞除咗畀家用就儲起晒,自己亦有投資基金,希望依家辛苦啲,40幾歲就可以退休歎世界。」娛樂圈每日都有不同挑戰,Sandy坦言最初入行時曾因壓力患上「暴食症」,由96磅肥到115磅:「我有諗過去睇心理醫生,但醫藥費太貴,我係一個好慳嘅人,所以決定憑住做瑜伽同埋同朋友傾偈醫好自己。」

杜穎珊身體柔軟度極高。
杜穎珊身體柔軟度極高。
冠軍級人馬,唔係浪得虛名㗎!
冠軍級人馬,唔係浪得虛名㗎!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能