家居吸水恩物 就係BB紙尿片!

19+

 

初為父母嘅朋友,見到尿片可能都聽到錢跌落地嘅聲音……

 

一日幾條,話咁快就一包,好重皮!

 

有時朋友探B醒目地送尿片,但係BB大得快用唔切,

掉又浪費,又唔一定搵到人接收。

可以點?

 

原來尿片唔止得一個用途,係超級有用嘅家品!

 

日本有網友喺twitter發文,話自己屋企漏水,

用毛巾抹極都有積水,但係放張BB紙尿片,半日都保持乾爽,

條片仲脹起幾倍,有成1.4 公斤咁重。

 

網友仲教路,搬屋時雪櫃掹完插蘇就會溶雪,搞到成地濕晒。

鋪條尿片索水就搞掂晒。

其他人都認同尿片係吸水神器,

有巴打見過地鐵站滴水,車站職員係用尿片救駕;

甚至有個case,天花漏水位置鋪咗尿片之後,

吸完自己會乾,吸力又勁,幾年都無須打理。

 

幾年?!會唔會太勁先?!

原文傳送門

你可能還想看