家庭美滿?陳自瑤:總之好開心!

·1 分鐘文章
陳自瑤與馬德鐘相隔多年再合作,輕易培養默契。
陳自瑤與馬德鐘相隔多年再合作,輕易培養默契。

馬德鐘、陳自瑤、曹永廉及楊卓娜等昨午出席無綫新劇《有種好男人》開鏡拜神,有份參演的李佳芯因病缺席。戲中陳自瑤演馬德鐘姑姐,對手戲頗多,她說:「2004年合作過《四葉草》,當時馬德鐘演我哋嘅教練,群戲比較多,所以今次算係首次真真正正合作,工作人員讚我哋好有默契,成日笑到標眼水﹗」馬德鐘亦讚她勤力又認真。

談到憑劇集《寶寶大過天》入圍台慶頒獎禮「最佳女配角」5強,陳自瑤說:「平常心啦!都有少少緊張嘅,4位對手都好強。(性感出席?)依家搵緊衫。(問老公王浩信意見?)工作上嘅嘢自己話事。(你哋喺網絡交流,互相支持喎!)好多人都好支持我,咁啱佢有新戲上,見佢拍得好辛苦,想支持吓啫!(關係好咗?)都係支持吓,唔好諗到咁複雜。(今年家庭、事業都好美滿?)唔回應咁多喇!總之好開心啦!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能