家族榮耀之繼承者｜羅嘉良得知戴綠帽幾十年 數秒多個表情技驚四座 網民：撈家真係神演技

TVB劇集《家族榮耀之繼承者》眨下眼就嚟到結局周，劇情繼續圍繞丘氏家族內部嘅權力鬥爭及複雜嘅人物關係，好似噚晚（17日）播出嘅第26集就講到丘守義（羅嘉良飾）意外聽到邵家碧（張鳳妮飾）講電話，並得知丘智斌（羅子溢飾）原來係高成（吳岱融飾）個仔呢個震撼消息，而羅嘉良喺呢一幕嘅演技發揮得淋漓盡致，獲得大批網民激讚。

喺噚晚，劇情雖然繼續老土地玩偷聽橋段，不過都冇阻羅嘉良嘅演技發揮，當佢得知自己戴綠帽幾十年，丘智斌並唔係自己親生仔，而係高成個仔嘅時候，佢喺短短幾秒間表情可以做出幾個變化，由憤怒、驚訝、傷心，再去到深深不忿。

劇集出街後，唔少網民都紛紛留言激讚佢嘅演技到位，例如「撈家真係神演技」、「呢套劇好睇， 尤其羅家良都係重心位」、「撈、頭先果下笑幾好演技」、「幾廿個表情」、「由先生貴姓開始鍾意羅家良」及「羅嘉良嗰震撼表情，戲精無誤！ 」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！