家族榮耀｜「自閉妹」潘藝桐來頭猛料 擁有高學歷仲係CEO！

TVB熱播劇集《家族榮耀》正在熱播中，劇集除咗雲集實力派演員之外，仲有唔少新生代演員參與，當中包括飾演大少奶葉彩薇（熊黛林飾）及馬耀宗（郭政鴻飾）嘅細女來娣嘅潘藝桐（Pearl）。劇中佢患有自閉症，甚少說話及中意閃令令嘅物件。去到今晚（第20集），來娣喺喺生日會上為甄芯（楊茜堯飾）解鎖電話，並無意播出母親銷毀高踭鞋嘅影片， 令其母精神幾乎崩潰。

現年26歲嘅潘藝桐，喺13歲開始海外留學，畢業於倫敦瑪麗女王大學（Queen Mary University of London）商業管理系，任職一間婚禮及活動策劃公司CEO及曾喺深圳做過英語老師。Pearl於2019年被YouTube頻道節目《倫敦街頭邱比特》發掘，當時佢喺自我介紹時就話自己23歲，身高大約170cm，來自香港，星座係金牛座，好鍾意儲錢同唔鍾意認輸。至於鍾意咩類型嘅男仔，佢就話要幽默、有啲無厘頭同要高過佢。之後，主持人就幫佢搵到來自昆明嘅Dylan，佢哋見面後仲交換微信。同年佢以名字潘政如參加內地真人騷《心動的信號2》，素人單身男女（4男4女）被安排入住小屋相處。前年，Pearl喺ViuTV風水節目《點擺》中以嘉賓主持客串現身，與皓云師傅和小占（英健朗）介紹健身室及課室嘅風水擺位。另外，佢仲係熊黛林所屬模特兒公司嘅師妹。

潘藝桐擁有一對大眼晴及樣子甜美，今次佢喺《家族榮耀》中飾演患有自閉症嘅富家女，成功獲得網民關注，紛紛留言大讚佢靚女及演得不俗，例如「原來你就是那個家族榮耀的來娣。。難怪那麼眼熟( 不好意思 我很少用ig)...恭喜恭喜 演得很好耶。加油 期待你更多作品」、「超級咁靚女！惦呀 加油」、「已經坐定定睇左啦！加油美女！做得好傳神！加油努力！」及「你做得好好，同埋你好beautiful」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！