家族榮耀|李彩華為配合角色 出動逾百萬名牌私伙拍劇
TVB外購網劇《家族榮耀》喺星期一(7日)首播,劇集演員卡士鼎盛,由張智霖、楊茜堯(前名楊怡)、李彩華、黃浩然、羅子溢(前名羅仲謙)及熊黛林等人主演,劇情主要圍繞豪門大家族勾心鬥角,所以劇集喺1月於內地優酷視頻及myTV SUPER等平台播出時,已經掀起一定話題。除咗呢兩個追看原因之外,劇中演員嘅名牌服飾亦非常有睇頭,尤其係飾演馬家三少奶嘅李彩華。
李彩華喺劇中飾演賈洛儀(Chole),喺第一集就與甄芯(楊茜堯飾)分別嫁俾馬家二少同三少。Chole既然嫁得入馬家做馬家三少奶,佢當然係衣著非常光鮮。李彩華為咗配合角色需要,仲出動逾百萬嘅名牌私伙珍藏,幾乎每一次出場都總會有名牌喺身上,難怪有劇中男演員都問佢屋企仲收埋幾多名牌。
有睇《家族榮耀》嘅朋友,相信都已經留意到佢有唔少名牌耳環、手袋及服飾,例如價值約2萬元嘅Fendi Baguette、約4萬元嘅LV Petite Boîte Chapeau Monogram及約1.6萬元嘅LV ESCALE 睡衣等等,真係好似睇緊Fashion Show咁呀!
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!