[小儀個妹] 王卓淇劇中大曬長腿 成功惹網民熱論

近期熱播嘅無綫劇集《愛情食物鏈》，搵嚟小儀、金剛、高海寧同埋陳智燊擔正，主要都係講「你的樣子如何，你的日子也必如何」嘅現實。

魯佳芳（小儀飾）嘅屋企人個個都又高又靚，尤其係佳芳嘅細妹魯佳麒（王卓淇飾），但佳芳就完全相反。雖然角色本身唔太起眼，但王卓淇喺劇中成日著住熱褲小背心，同高海寧一齊大曬長腿，成功吸引大眾目光，留意呢位新演員。大家都覺得第一次拍劇嘅佢好新鮮，而且演技唔錯。

不過同時都好多網友問點解之前好似未見過佢咁嘅？廣州出世嘅王卓淇今年24歲，12年先嚟香港定居，自幼就參加好多不同類型嘅選美比賽，至2014年終於圓夢奪得香港小姐亞軍。