尖沙咀市道慘情 加連威老道柏麗大道多達50間吉舖 商戶嘆：市民使多10蚊都唔肯

【Yahoo 新聞報道】「0 + 3」入境政策實施近一個月，惟旺區市況繼續慘淡，吉舖隨處可見。《Yahoo新聞》記者到尖沙咀區視察，發現加連威老道為「重災區」，有至少 30 間吉舖，柏麗大道也有 23 間。該區商戶指現時人流未見反彈，加上市民消費意欲低，「叫人使多 10 蚊都唔肯」，促政府盡快落實「0 + 0」。地產業界人士形容，尖沙咀區失去遊客如壯士斷臂，該區空置率維持在 10%。

文字記者：盧珮瑤

攝影記者：朱永倫

「0＋3」入境政策自上月26日實施。運輸及物流局局長林世雄日前指本港機場客運量創疫情以來新高，由以往每天1萬多人次增至約2.4萬人次。不過本港市面仍有待復甦，記者上周到尖沙咀視察，發現部份街道尚有大量吉舖。

尖沙咀加連威老道是吉舖數量之冠，有逾30間吉舖，佔整條街逾一成，包括加拿分道交界位、人流較旺的千呎舖位。商場內亦有舖位丟空，如位於彌敦道、加連威老道的美敦大廈。加連威老道近尖東漆咸道南一段更有近10間吉舖，比近彌敦道段更冷清。店舖種類方面，以往加連威老道以連鎖店為主，現時不少轉為特賣場、散貨場、口罩舖等，主打街坊生意。

「金行大道」變清貨特賣場

另一吉舖集中地為柏麗大道，全街有約23間，其中連鎖運動品牌Nike兩間舖位亦已落閘。柏麗曾是「金行大道」，現時只餘寥寥數間金行，其餘部份變成服裝、植物特賣場，店舖內外貼滿「清貨大減價」告示，有服裝店售價低至每件15元。不過，柏麗大道業主立案法團日前獲城規會批准改劃成食肆用途，擬設自助餐廳、咖啡室及茶室等，改劃日期待定。

李寧牌新舖租金較高峰瀉四成

名店林立的廣東道則「大執位」，多間舖位築起印有不同品牌標誌的圍板。其中一間原為錶行的店舖將由內地體育品牌「李寧」接手，中原地產資料顯示該店面積逾5,200呎，高峰期月租約700萬，現時跌至約200萬元，下跌近六成。

於加連威老道經營雜貨特賣場的店員指，店主以平約三分一價錢租得舖位，店舖開業一年，見證該街道蕭瑟時期，「最靜試過（每）10間舖得返1、2間開」。她指政府推消費券初期對生意額稍有幫助，但港人消費意欲不大，「叫人使多10蚊都唔肯」，故目前仍未回本。對於「0＋3」有否幫助，她反問「邊度有遊客呀？」，「『0＋0』啦！唔好講咁多啦而家，打針、戴口罩咪可以接受，都（持續）幾年喇！大陸『7＋3』都無人返去啦！」

商戶：「0＋0」先做到嘢

蔡先生為柏麗大道服裝特賣場的店員，店舖售賣平價女裝鞋為主。蔡指，該店於月初開業，假日人流才較多，「有啲菲傭放假會出嚟行下，銀行假嘅話就多啲外籍人士」。他也促政府盡快落實「0＋0」，「而家得咁樣先會做到嘢，仲要人哋會唔會即刻過嚟都成問題，要多啲時間回復返，大家都係做local（本地生意）多」。蔡續指，消費券或可短期刺激消費，「用晒咪又係跌返」，唯有寄望聖誕、新年等節日令生意額回升。

地產業界：今年無一樣好消息支持

中原董事總經理（工商舖）潘志明指，尖沙咀區素來以遊客生意為主，一旦失去就如壯士斷臂，目前尖沙咀空置率與去年相約，維持10%。廣東道、海防道等名店街以至尖東一帶，市況同樣淡靜，「莫講遊客，本地人都好少去，而家只係做樓上寫字樓生意，去到假期消費力都好低」。他指各旺區租置率由2019年底開始下滑，2021年進入底谷，今年情況與去年相約，「頭幾季又第五波疫情、又加息、俄烏戰爭，無一樣好消息支持」。

潘續指，部份舖位符合改劃成食肆的標準，相對較受歡迎，故尖沙咀新開不少食肆，如茶餐廳或手搖飲品店，「呢啲本地都有消費，去到100蚊呎都負擔到」。反觀時裝精品、飾物等消費力較弱，「經濟唔好，買奢侈品嘅機會都唔大」，故湧現口罩店、手機配件、特賣場等短租店舖。