尹光新歌Dear Myself登上叱咤榜 有望同姜濤盧瀚霆爭「我最喜愛」大獎

Yahoo 娛樂圈
更新日期：
AI尹光唱林家謙《一人之境》笑爆 網民大讚「高科技傑作」
AI尹光唱林家謙《一人之境》笑爆 網民大讚「高科技傑作」

11月開紅館個唱嘅尹光，早前因網友用佢嘅聲線研發「A.I尹光」翻唱姜濤嘅《Dear My Friend,》同林家謙《一人之境》，深受網友歡迎。而「光B」早前推出嘅新歌Dear Myself都搵「A.I尹光」合唱。

尹光出新歌，有網友話要推到佢上叱咤台，而家有機會啦！

尹光
尹光

上周六商台公布最新一期「903專業推介」，而Dear Myself以新上榜姿態打入第16位。位置唔算高，但根據商台「叱咤樂壇流行榜頒獎典禮」嘅「我最喜愛的歌曲」同「我最喜愛的男歌手」機制，有歌上榜就可以入圍接受樂迷投票。即係話，尹光而家至少拎到參與角逐叱咤嘅入場券。

上周六商台公布最新一期「903專業推介」，而Dear Myself以新上榜姿態打入第16位。
上周六商台公布最新一期「903專業推介」，而Dear Myself以新上榜姿態打入第16位。

MIRROR大熱之後，過去幾年「我最喜愛」大獎都由MIRROR成員姜濤同Anson Lo盧瀚霆包辦。過去3年嘅「我最喜愛的歌曲」全數由姜濤奪得（《蒙著嘴說愛你》、《Dear My Friend,》及《作品的說話》）。姜濤同時喺2020及2021年獲得「我最喜愛的男歌手」，Anson Lo盧瀚霆就喺去年挑戰成功。而過去2年「我最喜愛的男歌手」最後五強當中，都有4位MIRROR成員躋身其中。尹光假如成功突圍，將有望成為姜濤同Anson Lo勁敵！

古天樂喺2018年叱咤奪得「我最喜愛的男歌手」
古天樂喺2018年叱咤奪得「我最喜愛的男歌手」

多年冇出唱片嘅古天樂，2018年憑住同謝安琪合唱《（一個男人）一個女人和浴室》角逐「我最喜愛的歌曲」同「我最喜愛的男歌手」，最終更喺全港樂迷投票嘅「我最喜愛的男歌手」獲獎，證明唔多爭獎嘅前輩級歌手喺叱咤同樣有勝算。一月一，等睇尹光上台！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！