岑珈其與老婆《試當真》大放閃 廖子妤神還原《天若有情》

岑珈其身為YouTube頻道「試當真」骨幹成員，不時參演翻拍經典或人氣劇集嘅短劇，例如過往有《我和殭屍有個約會》、《940920》；呢次岑珈其喺「試當真」新片《極速珈其》就夥拍陳穎欣（Yanny）、余香凝（Jennifer）及廖子妤（Fish），並向《烈火戰車》、《烈火戰車2極速傳說》、《天若有情》三大經典飛車港產片致敬。

陳穎欣以全黑打扮飾演《烈火戰車2極速傳說》林熙蕾，衣著搭配嫵媚眼神，令效果更有睇頭。Ern9（潘宗孝）亦有份向任達華作致敬，行路一拐一拐、針筒道具，加上任達華當年對白：「連車尾燈都睇唔到，點解？」，誠意十足。不過，都有網民要求《極速傳說》加入Locker飾演「趴地」譚耀文角色；又希望游學修可做錢嘉樂角色。廖子妤就大玩《天若有情》情節，神還原著婚紗追車過程；余香凝更講出張柏芝其中一句「我就嚟十八歲喇」。廖子妤早前於《第40屆香港電影金像獎》憑《梅艷芳》奪最佳女配角。至於《天若有情》方面，廖子妤身穿白色婚紗坐岑珈其車尾都係致敬一部分，當中一句「你至少都車我出九龍吖！」，一睇就知係玩緊《天若有情》條橋。

短劇最尾，岑珈其邀請到自己老婆桂玫出嚟飾演《烈火戰車》中梁詠琪，大眼鏡造型因而被讚；不過網民對於片尾邀請桂玫此舉動就認定岑珈其有私心，大放閃光彈。「試當真」過往翻拍短劇都反應兩極，今次均不例外，網民留言：「成條片既目的就係畀珈其放閃」、「珈其好型，成條片都整得好好睇，每個演員同幕後都做得好足」、「對於睇烈火戰車、極速傳說、天若有情，睇到識背嘅中佬，我真係好感動，打左幾個冷震」等等。又有人認為，岑珈其做呢類角色好尷，又指內容無內涵及深度。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！