年半冇見父母 炎明熹發憤搵錢 紅館鋪「后」路

·2 分鐘文章
炎明熹將首度拍劇,自嘲沒演戲天分。
炎明熹將首度拍劇,自嘲沒演戲天分。

《聲夢傳奇》3料冠軍炎明熹,已一年半沒見身在內地工作的父母,十分掛念,孝順的她希望賺錢養父母,令他們不再操勞;又直言夢想踏紅館,向一代歌后梅艷芳學習!

年僅16歲的「人氣王」炎明熹(Gigi),以大熱姿態勝出無綫選秀節目《聲夢傳奇》,談及發表得獎宣言時爆喊表示想返內地見父母,她坦言之前每逢長假期都會見面,現時卻因疫情而年半沒見,只能靠視像通話。問是否很掛念父母,她說:「已經慣咗!記得小學嗰陣,爹哋媽咪呃我話陪我瞓覺,但瞓醒就唔見咗佢哋,原來佢哋返咗去,於是係咁喊,但大個都明白嘅。」

她指父母有睇直播觀賽,知道她得獎後興奮得在群組「派利是」。談及想買10層樓送給父母,她笑言:「呢個係目標,10萬蚊獎金儲起先。(想快啲賺第一桶金養父母?)係有呢個目標。」而另一目標就是開紅館個人演唱會:「呢個係姑丈非常希望我做,佢話希望有生之年睇到我嘅演唱會。」

首拍劇驚累街坊

下月中,她將偕其他學員及導師開演唱會,亦會拍青春劇,Gigi直言十分期待:「我喺學校有參加音樂劇,但我覺得自己冇天分,希望唔好拉低套劇嘅進度啦!」問會否煲劇惡補,她自爆愛看宮廷劇如《甄嬛傳》或青春劇,對於曾志偉讚她似梅艷芳,她說:「好開心,因為梅姐係我嘅學習對象,我有學習佢嘅眼神,可能大家覺得眼神似。(希望有佢嘅成就? )當然,但要一步步吸收經驗!」

放下比賽包袱的炎明熹,變番開心的大細路。
放下比賽包袱的炎明熹,變番開心的大細路。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能