張寶兒愛玩失蹤 陳詩欣專兇男友

東方日報
·1 分鐘文章
莊思敏(右起)、蔡嘉欣、張寶兒、陳詩欣與許文軒,親親牛牛過肥年。
莊思敏(右起)、蔡嘉欣、張寶兒、陳詩欣與許文軒,親親牛牛過肥年。

藝人莊思敏、張寶兒、蔡嘉欣及陳詩欣,日前為無綫娛樂新聞台拍攝賀年特輯,與主播許文軒親親牛牛玩自拍,又玩水上單車。已婚的莊思敏與寶兒被問可會趁牛年生B?她們揚言不心急,當中老公長期於台灣的思敏表示,雙方因疫情而分隔兩地,現階段各自為事業衝刺,打好基礎,待「重逢」時把握時機出埠旅行,保持拍拖的甜蜜感覺。至於名花有主的詩欣自爆經常被追問婚事,但她抱隨緣心態。

被投訴唔覆短訊

此外,她們又在主持的《姊妹淘》互爆缺點,望大家新一年有所改善,嘉欣指寶兒經常「消失」:「傳短訊畀佢幾日先覆!唔開心時又收收埋埋,唔話畀人知。」寶兒亦不滿意自己這一點:「我唔係主動融入群體生活嘅人,好多時佢哋搵我都會Miss咗,嚟緊我要好好珍惜!」嘉欣又指詩欣說話時「好惡」:「唔好睇佢個樣公主咁,對男友超惡,希望佢可以溫柔啲!」

陳詩欣被爆外表似公主,實質對男友好惡。
陳詩欣被爆外表似公主,實質對男友好惡。