「最hea港姐」張舒雅IG曝光富家女近況 坐豪華遊艇出海生活仍hea爆

36歲張舒雅距離當年當選香港小姐冠軍已14年，有「最hea港姐」之稱嘅佢雖然有一年幾冇喺IG分享新相，但其實佢間中都會發布IG限時動態，而早前佢就於IG限時動態分享同愛犬合照、鴨脷洲一日遊同埋轉搭遊艇到淺水灣嘅生活近況。

從張舒雅近照見到，佢身型仍Fit爆之餘，即使喺素顏狀態下，個樣同以前都無太大分別，而佢出入嘅遊艇內部相當豪華，仲有按摩浴缸，可見生活依然富貴無憂。其實張舒雅家境一向富裕，屋企人經營珠寶生意，一家住喺九龍塘市值過億嘅7000呎豪宅。當年張舒雅之所以參選香港小姐，都係因為唔想咁快接手家族生意，加上媽媽又叫佢訓練儀態，於是就試下，但從來都無打算係娛樂圈長遠發展。

正因為呢份唔志在嘅心態，張舒雅喺當選短短一個月就向TVB請病假，不但唔出席任何活動，又退選世界小姐及國際中華小姐競選，不過就被媒體影到期間同男友夜蒲，因而激嬲TVB要將佢雪藏，甚至唔畀佢為下屆港姐進行加冕。而據悉，張舒雅近年準備接手家族生意而年進修珠寶設計，仲同朋友合資開酒吧。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！