怕航班熔斷 放棄赴美登台 李施嬅陳山聰見財化水

李施嬅孖陳山聰現身宣傳,並表示「大細眼」問題已好得七七八八。
李施嬅孖陳山聰現身宣傳,並表示「大細眼」問題已好得七七八八。

藝人李施嬅、陳山聰及湯洛雯等昨日出席《金宵大廈2》宣傳,談到陳山聰開始賺外快搵真銀,李施嬅大方表示:「佢搵住先啦,得閒請我食飯就得。其實我哋本來有兩個美國登台騷,但擔心疫情航班熔斷機制,最終都係唔敢博。」而她的「大細眼」問題已近痊愈:「醫生幫我驗完血,話人哋用成年嘅時間去醫病,我2月基本上都好番七七八八。(未婚夫照顧得你好好?)唔關事,我自己做好多嘢,好似食齋、心靈治療同打坐,我諗再多一兩個月會好番晒。」

另外,湯洛雯透露疫情下參演的新劇《隱門》停工2個月,直至近期復工:「最搞笑係角色造型有劉海,我近排剪番,點知重手得滯,依家好短畀啲拍檔笑!(爸爸湯鎮宗公開催婚?)佢完全冇同我講過,相信佢都係順應民意,同埋我諗佢都唔捨得(嫁女),呢方面真係身邊人心急過我哋。」

湯洛雯笑指父親並沒有向她本人催婚。
湯洛雯笑指父親並沒有向她本人催婚。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能