恨為囝囝演英雄電影 梁洛施等許鞍華度身訂造劇本

【星島日報報道】導演許鞍華（Ann）、梁洛施（Isabella）及秦沛前晚齊出席新片《第一爐香》慈善首映禮。Isabella表示許鞍華曾多次邀她演出電影，但都推掉了，榮幸今次再獲邀演出，並透露戲中彭于晏和馬思純有較多對手戲，大家合作時感覺很好，本身也一直有戲癮，現在亦睇緊幾個劇本，而她最想嘗試演反派角色，皆因過往都是演繹正派角色。文：鄺芷瑩 圖：陳敏華

Isabella表示：「好開心Ann再搵我演出，我都唔好意思之前推咗幾次，因為當時我未準備好，而且唔喺香港，兩年前Ann再打畀我問有冇興趣拍？我話當然有興趣啦！」Ann就大讚Isabella表現得好，可惜戲分不夠多，希望她往後接拍更多電影。問到可會為Isabella度身訂造劇本，Ann說：「希望啦！」身旁的Isabella即開心表示：「我等！」被問到若演反派可會擔心影響在兒子心目中的正派形象？Isabella笑言兒子已懂分辨只是扮演角色。至於演技可有獲兒子讚？她笑說：「佢哋話OK啦！所以我要更努力。（三個兒子可有演戲細胞？ ）一 都冇！真係無表演欲，反而比較鍾意運動，但佢哋好想我接拍Superhero嘅戲，不過我都想嘅！」

此外，Isabella最近愛上行山，她透露與友人一同行八仙嶺，行到腳震震。提到早前行山時遇到被遺棄貓仔，最後領養了其中兩隻，她坦言首次養寵物，感覺似湊BB一樣，三個兒子也很喜歡，但第一時間反問為何不帶狗仔回來，又認為養小動物可培養小朋友的責任感和愛心。

秦沛呻兩年無見太太

同場的秦沛表示因疫情關係，早前留在上海一段時間，還獲好友蔡少芬、劉嘉玲、陳小春等相約一起聚會吃飯，秦沛說：「不過我好掛住屋企，因為疫情關係，我都返唔到加拿大，已經兩年冇見太太，呢樣惡頂 ！好彩仔女都喺香港。」提到女兒姜麗文在《愛·回家之開心速遞》中飾演菲傭角色，獲觀眾大讚演搞笑或喊戲都掂，秦沛說：「女兒演繹角色把聲幾得意嘅！屋企有個菲傭姐姐跟咗好多年，佢會教個女兒好多菲律賓式英語講法。」

■Isabella爆三個仔完全無演戲細胞。

■（左起）張寶華、Isabella、秦沛、許鞍華及黎芷珊齊出席慈善首映禮。

■Isabella坦言多次推Ann的邀約，感到很不好意思。

■今次慈善首映為港大文學院籌得過百萬元善款。

■葉童（右）、盧慧敏齊到場支持。

娛樂