意大利古老睡火山恐將爆發 令歐洲進入冰河時期

全球地震不斷，早前台灣之後又輪到墨西哥，唔少專家都話地球開始進入新一輪地殻運動週期，帶嚟嘅除咗直接嘅地裂之外，仲有非常可怕嘅次生災害，就係火山爆發。其中，又以意大利那不勒斯灣之中嘅超巨型睡火山Campi Flegrei最叫人擔心，專家話，推斷火山目前狀況，好可能係未來幾年之內就會大爆發！呢個火山，可以話係人類嘅計時炸彈，名字取自希臘語，代表係「燃燒中的」，可見其威脅性有幾勁。睡火山對上一次爆已經係1.2萬之前，但講到最恐怖要數到3.9萬之前嘅大爆發，熔岩衝上天空70公里之高，火山灰更飄到2,000公里外嘅俄羅斯，當時整個歐洲大陸有5分1都被火山灰遮蓋，長年不見天日，影響歐洲大陸其後數十年都成為冰川時期，甚至有傳言呢次爆發，令當時其中一個人類祖先物種尼安德塔人滅絕，可見影響有幾大！

Campi Flegrei被稱為全人類嘅計時炸彈。

有唔少專家都做過推斷，一旦爆發，周邊50萬居民會首當其衝。

近年火山非常活躍，令人擔心。

相關文章：

臥底清潔工大發現 用同一毛巾清潔廁所同浴缸？

公平咩？英國水電工人 年薪達20萬鎊

或正式告別黑色長袍 沙國王室露口風

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！