慈善星輝仁濟夜|李佳芯激罕獻唱被讚人靚聲甜甩「魔音」 胡定欣被嘲穩定地走音

《慈善星輝仁濟夜》截圖
《慈善星輝仁濟夜》截圖

李佳芯(Ali)曾在2017年商場活動獻唱《小幸運》被網民取笑係「魔音」,仲話佢係唱緊《小噩夢》,2020年於《流行經典50年》唱《幸運是我》,聲線略為抖動,但就被指大有進步。上周六(14日),李佳芯為《慈善星輝仁濟夜》再度獻唱,今次佢就揀咗林奕匡《一雙手》,雖然有網民覺得佢唱得冇力冇氣,但大部份網民都認為李佳芯進步咗好多,成功搣甩「魔音」稱號。

李佳芯於《慈善星輝仁濟夜》打頭陣演繹《一雙手》,表現明顯比早年演唱淡定,網民直言即使歌藝唔係專業歌手水準,但為慈善獻唱嗰份善心與勇氣可嘉,又大讚李佳芯比以前好聽,加上有靚樣加分:「李佳芯不是歌手,依然為慈善獻唱,很有愛心」、「聽靚樣感情誠意加分,聽到好感動」、「佳芯明知唱歌並非她所長亦都盡力演出,非常支持妳,其實全晚我衹係睇她這環節咋」、「Ali真的人美歌聲也好聽,TVB如果再冷淡有實力的女演員只會讓觀眾流失更快」、「唔知點解佳芯唱覺得好舒服,真正人靚聲甜」等等。

入行前曾參加歌唱比賽嘅胡定欣都有份表演,佢曾參加過1999年《全港華人新秀歌唱大賽》(香港區選拔賽),近年亦推出過《無悔無愧》、《我有我美麗》等劇集歌,又於2018年擔任張敬軒演唱會嘉賓,唱歌經驗豐富。不過,胡定欣為《慈善星輝仁濟夜》獻唱一曲《一步一生》嘅演出就被指難聽兼走音:「整首歌都好穩定...穩定地走音」、「突然諗起卓韻芝既一句 『點解你唔試吓聽吓自己唱緊啲咩?』」、「佢選擇正確,拍戲先啱佢」、「全走音,低音落唔到,高音上唔到」、「佢點做到全程走音?」、「為什麼變了老牛聲?」等等,又有網民指又一魔音出現。

《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖
《慈善星輝仁濟夜》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!