戀愛系：好好保障自己 男人就要做足以下措施

今年奧斯卡，最大嘅話題唔係邊套邊套電影有得入圍，反而係邊個邊個男演員因為性侵而被剔走，好似Kevin Spacey就係人辦。由去年一直蔓延嘅「metoo潮」，唔單止影嚮知名演員、運動界、甚至一般星斗市民同樣受到衝擊，做男人嘅，正經啲嘅都難免有時口上佔一下便宜，同人Flirt兩句；莫講話真正Player嘅自己同過幾多女人有過關係自己都唔知，難保N年後有一日突然有人出嚟指証你曾經侵犯過佢。所以網絡上一眾男網友都苦笑咁話「今時今日，做男人真係要好好保障自己。」網上仲有啲「雙方發生關係同意書」，大家笑話要親熱之前大家都簽名作實先開始。笑還笑，回歸現實，如果憑女友一面之詞就可以令一個男人一刻間身敗名裂，其實諗落都幾心寒；真係唔想有嘅情況，除咗簽「同意書」之外，如何避免？

搵CCTV

今時今日無處不在嘅CCTV，已經好多次救番唔少被冤枉性侵嘅男士一命喇，好多案件上到法庭都係因為有CCTV做證據，證明女方當時嘅意願而令男士脫罪，所以CCTV好重要，記住多啲對佢擺下Pose！

親熱前影下相

唔係叫大家影啲不文照片或者拍片呀！同樓上CCTV一樣原理，好多時候，其實證明雙方你情我願其中一項指標，就係雙方事前狀態，如果證實到大家係彼此清醒而情投意合的話，好難告你嘅。

做個好男人

係老土嘅，但都要講句，唔想有危機，請你好地地做返一個正直好男人，唔好隨便同人發生關係，唔好立亂同人Flirt，古語有云「君子不站危牆之下」，何必要瓜田李下等人有懷疑嘅機會？