前「亞視一姐」阿儀薛影儀公開出浴片 泳衣上陣背部狀態惹網民擔憂

前「亞視一姐」薛影儀（阿儀）2021年參選《亞洲小姐競選》一戰成名，最終榮獲最佳努力獎並簽約入行，之後受到力捧，推出歌曲《一加一等於阿儀》和《爸爸爸爸我愛你》，成為網民焦點。薛影儀與經理人林寶玉於去年鬧翻，同時被公司AMM終止合約，不過，佢就以自由身接工作，例如各類型宣傳工作、與香港本土手機遊戲公司合作，共同推出最新虛擬戀愛遊戲《阿儀-我的AI女友》，以及開辦YouTube個人頻道「Amy wong」。阿儀昨日（11日）於社交平台分享與好友黃榕為水療中心進行宣傳拍攝嘅照片和浸泡泡浴影片，其心口及背脊嚇親唔少網民。

阿儀以低胸連身泳衣上陣，黃榕則著上比堅尼，不過焦點反而落喺阿儀身上。阿儀與黃榕浸泡泡浴期間，介紹完水療嘅水係落咗香精油，同埋後面會有下午茶之後，阿儀就無端端分享佢身上件泳衣好抵：「我件泳衣係新買，100蚊，喺旺角買，佢收平我，幾抵啊」。不過，其中一段阿儀落水嘅影片就影到佢背部長滿粒粒及心口有疤痕，有網民留言：「阿儀，心口嘅咖喱雞係邊個整㗎」，阿儀嘅心口疤痕其實早於去年為美容公司賣廣告時公開過，當時佢就拍片公開做袪疤痕療程，所以都無太多網民將焦點放喺心口疤痕到，反而有網民較為留意阿儀嘅背部狀況，仲擔心地詢問：「阿儀你背脊咩事？」而阿儀亦有親自回應表示自己之前脫咗疣。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！