黑色月光｜64歲文雪兒演活貴氣闊太或成告別作 現時主力湊孫為樂

由楊茜堯，王浩信、林夏薇、馬志威、黃翠如及楊卓娜等演出嘅無綫台慶劇《黑色月光》惹起話題，64歲文雪兒於劇內飾演闊太陳幸芳，演出同樣備受關注，於保養得宜嘅狀態下散發著闊太氣質，不過《黑色月光》有機會係佢嘅告別作？

文雪兒70年代中期加入影視圈，未夠16歲已成邵氏武俠片花旦，先後加入邵氏電影、佳視、麗的電視、亞洲電視、無綫電視，曾被譽為「麗的四大花旦」之一，不過於1986年當紅之時宣布結婚並息影，先後誕下兩名女兒，可惜婚姻路並不順利，離婚收場。其後，文雪兒母兼父職，經營美甲店生意，2005年與建築師袁慧明再婚，幸福滿滿；文雪兒亦於2013年為過戲癮而答應拍攝無綫劇集《巨輪》，及後簽約無綫回歸電視圈，主力飾演母親角色。

文雪兒於《黑色月光》與蔣哲賢（尹揚明飾）飾演夫妻，對老公言聽計從及照顧有加，實質背後隱藏著極大秘密，該秘密更與兒子蔣基俊（馬志威飾）有關，所飾演嘅角色表裏不一，因此要應付大量內心戲。早前佢亦透露計劃退休，表示唔想畀一張合約綁住，真係有啱嘅就會再合作；文雪兒細女於今年9月為細仔舉辦百日宴，佢亦廣激不少圈中好友出席，現時過著湊孫為樂嘅日子，因此《黑色月光》極有可能係文雪兒嘅告別作。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！