雅虎香港新聞 拿破崙餅｜靚太手製精緻港式核桃拿破崙 手工繁複做一磚耗時四小時
這年頭，還有人講夢想嗎？今年四月，一位30+靚太，因為厭倦了朝九晚五的刻板生活，毅然跳出Comfort Zone，開了自家的餅店。餅店獨沽一味，只售自家手製拿破崙餅。千層酥皮，夾着香脆核桃蛋白餅，以及加了雲尼拿籽的牛油忌廉。不走法式千層酥（mille-feuille）的酥脆路線，而是回到港式老派拿破崙餅的實實淨淨。長方形的一磚，面頭貼上金箔，還有朱古力金印加持，美得像珠寶。高檔氣質，吸引了甘比、徐濠縈等闊太青睞，一鳴驚人，也讓這位半途出家的靚太夢想成真。
【立即讚好】全新 Yahoo Food Facebook 專頁
如珠如寶拿破崙
眼前這塊拿破崙餅的橫切面，讓人看得出神。頂層和底層，是牛油和麵粉烘成的酥皮，層層疊疊的層次，看得出酥脆。其下及其上，各有一層加了雲尼拿籽的牛油忌廉，薄薄的畫成兩條白線。兩條白線中間，是厚厚的核桃蛋白餅，細碎的核桃，密密麻麻的堆疊成脆脆的夾心，眼在看時，腦裏已能想象出酥香甜美的味道。最妙的是，頂層酥皮上，還有一個金色印章和一條長長的金箔，像畫龍點睛般，為這拿破崙餅點綴出無比的高貴與亮麗。
面皮酥皮較法式傳統的實淨，饀料用法國朱古力及美國核桃，核桃香口，朱古力味濃厚。
「呢行金箔真係自己搵自己笨呀！因為要人手逐塊黐，一個餅要黐起碼五分鐘，好鬼耐。」一個靚溜太太邊黐金箔邊說。她是凌麗虹，洋名Katrina，烘焙店Mille hk的主人。才三十多歲，年輕貌美，看不出已是三名子女的母親。她之前做文職工作，日日朝九晚五，天天做差不多的事，雖然穩定，卻很沉悶。「後來做銀行忙到收唔到工，雖然福利好賺到錢，但唔想以後都係咁。」她愛吃，公餘總會四處覓食，甜品又試，新店又試，後來為興趣，跑去學烘焙，還辭去工作，到甜品店打工，誰知一打打出了個新天地來。「蛋糕西餅等等都學過，就係情有獨鍾千層酥，唔知點解整極都唔厭。」她說。
港式法式二合一
她學法式千層酥，即是傳統三層酥皮夾著兩層奶油那種。但她不想蕭規曹隨，想加點自己的創意，想起港式餅店由細食到大那種核桃拿破崙餅，不如將兩者結合，變成自家的新品種。「唔做法式酥皮，面層做港式實淨啲嗰款，冇法式咁多忌廉，切起來冇咁麻煩，而且襟擺啲。」她說。她找到了目標，就辭去工作，斥資開創自家品牌。由找工場，置爐具、做包裝，一手包辦，實行自家製作。
「我給自己兩年時間，試下得唔得，我想喺自己40歲前，做一啲自己鍾意的事。」她堅定的說。做自己鍾意的事，一切當然講究。雞蛋用美國的、麵粉用日本的、朱古力及忌廉用法國的，牛油也用法國Isigny Ste mere產地認證的。
「核桃我都試過好多品種，好多都唔啱心水，最後揀咗美國的，貪佢夠大粒冇苦澀。」她說。她就這樣一個人，加妹妹來幫頭幫尾，兩姊妹傻傻的，合力扛起這品牌。「我哋人手少，唔敢做咁多款，所以只做一款長方磚形的，細件都唔做，專一啲，希望人諗起拿破崙餅就諗起我。」她說。這塊長磚，除了原味外，還有朱古力及焦糖兩款口味。前者酥皮加了竹炭，變成黑色，襯着那金箔裝飾，更加顯得高貴。「我丈夫做設計，對美感有要求，咁樣配襯會顯得靚啲精緻啲。」
四小時才做一磚
儘管只得三款口味，但做起來工夫可繁複得驚人。面層及底層酥皮，早一天就要撈好麵粉壓平雪凍了，忌廉又要加入雲尼拿籽來打，中間那核桃蛋白餅饀，更是耗神。核桃要先打碎，再用蛋白撈勻，然後低溫焗上約四小時，才能生出煙韌加香脆的效果。最後逐層鋪疊，裁切出長條磚形。還要逐個蓋上朱古力印，逐塊黐上金箔。一磚拿破崙餅，動輒就要耗四小時才做成。「每日最多只做到四五十條，收到訂單才做，父親節、母親節試過爆晒，忙到唔停手。」Katrina說。
自從四月開始接訂單，她至今也沒放過假，工作比以往做文職時似乎還要繁重。「放咗工仲要覆留言，客人好鍾意夜晚留言問嘢，答得嚟都唔使瞓了。」
只是，舊時的辛苦，是為他人作嫁衣。如今的辛苦，是替自己打天下，那滿足感，豈可同日而語？「最開心係客人回覆話好好食，試過有個客人嗰晚帶男朋友返屋企見家長，本來好擔心，但個餅成為大家嘅話題，打破咗隔膜，佢留言話多謝你個餅將我屋企人關係拉近咗，真係好開心。」她說。
這港式拿破崙餅，推出短短幾個月，不單訂單滿滿，還有不少名人慕名幫襯，直接提升了品牌知名度，也替她下一步計畫打下強心針。「我想開地舖，因為真係好多人問，我希望喺港島試下Pop-up先，可能IFC、Pacific place試下，希望半年內可以達成。」Katrina說。
全新訂座平台「Yahoo訂餐廳×Openrice」正式上線！
Mille HK 一專
WhatsApp：+852 5502 3338
註：每天限量製作，3日前預訂，1pm後到取。
更多網購美食推介
拿破崙卷蛋｜香港首間手工製拿破崙卷蛋爆紅網店！藍帶廚主理6款口味 最吸引係邊款？
【鳳梨酥推介】港台鳳梨酥/菠蘿酥推介9間！低至$48盒/優惠碼8折/金鑽17號
【網購雞胸肉】健身雞胸肉推介8間！金鐘國都食/低至$22塊/17款和風口味
網購高質牛扒推介合集 必食南非農場和牛/$120紅酒牛扒套餐/免運攻略
【網購即食飯】叮叮飯/即食粥/湯包推介合集 $23.9鮑魚粥/$26雞脾撈飯/免運優惠
【麻辣鴨血】網購麻辣鴨血推介8間 KiKi麻辣鴨血$48包/賈以食日鴨血冬粉
【網購拌麵推薦】十大高質拌麵推介合集 台灣拌麵No.1/超高級蟹黃拌麵/明星最愛
【網購Bagel】香港5間超吸引Bagel IG Shop 誇張爆餡/公開Bagel卡路里/低溫發酵
【台灣手信2021】網購大熱台灣零食手信！灌餡蛋捲/爆餡夾心餅乾/台灣國宴必備芋頭酥
【網購蛋糕】網購蛋糕店推介11間！小店手工蛋糕/純素蛋糕/免運費攻略
【今晚食乜好】唔知今晚食乜餸？立即去Yahoo Food 食譜專頁搵靈感
>>按此下載<< 全新Yahoo APP，領取最新餐廳優惠、氣炸食譜、自助餐推介、仲有飲食達人教你識煮識食，讓你成為真正全面的吃貨，立即下載！
