撼《全民造星》TVB《亞洲超星團》招募參加者要有5大條件

ViuTV嘅《全民造星》成為近年娛圈新血來源，由節目捧出嘅MIRROR、ERROR、MC張天賦、COLLAR等，都成為新一代偶像，仲令香港人重新留意香港娛樂圈。

TVB當然唔會坐視不理，今年5月總經理曾志偉就表示會同《中國好聲音》、《中國達人秀》節目團隊合作，舉行選秀節目《亞洲超星團》，務求集合泰國、日本、韓國、內地同香港五地嘅耀眼新星， 組成一隊超華麗陣容的男子偶像組合。

香港區嘅選拔近日已經開始報名，根據宣傳片介紹，參加者要係香港男性居民、年齡介乎16至25歲、 要唱得、跳得同Rap得呢5大條件。比起無年齡限制、無明確演出要求嘅《全民造星》，《亞洲超星團》似乎更嚴格，不過都要睇出到嚟嘅參加者係咩質素先得嘅。

《亞洲超星團》搞男團，明顯想同MIRROR爭一日長短，但係曾志偉早前受訪時就唔認係要同MIRROR打對台，仲話「我地亞洲地區嘛」，好有火藥味。MIRROR彈出之後，TVB先後試推唔同組合，包括將《聲夢傳奇》四小花組成After Class，以及安排《聲夢JUNIOR》參賽者以組合女團XiX參加《聲夢2》，又試過搵10個男藝人組成Super Tiger，但全部都冇咩效果。今次搞亞洲男團，又有冇機會力敵韓國日本台灣泰國嗰班有樣又有表演才華嘅對手？

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！