攞到獎先肯生B 湯洛雯否認與馬國明同居

·1 分鐘文章
陳展鵬與湯洛雯在劇中有好多動作戲,大爆女方好大力。
陳展鵬與湯洛雯在劇中有好多動作戲,大爆女方好大力。

陳展鵬、黃智雯、湯洛雯(靚湯)與劉佩玥等昨日在將軍澳電視城為新劇《隱門》拜神,展鵬與靚湯在劇中飾演歡喜冤家,他笑言低估了靚湯的「功力」:「同佢有好多動作戲,嘗試到佢嘅力水,真係有啲力度!」靚湯笑說:「拍完第一場佢就講,你都好大力喎!」

展鵬今年憑《逆天奇案》打入「視帝」5強,問到可有信心再攞獎?他說:「都係咁啦,交畀公司安排,自己一路以嚟拍戲,都只係希望觀眾欣賞。」靚湯則笑說:「生番個仔好過啦,佢依家唔在意獎項。(馬國明攞視帝就到你生仔?)唔關事,等我攞先生啦,哈哈。(同馬國明搬去將軍澳同居?)唔係,因為佢拍緊兩套劇,所以搵個近啲嘅地方休息,我哋唔係同居。(黃心穎住喺嗰個屋苑?)唔清楚,就算見到面都冇尷尬嘅。」

黃智雯殺入視后5強當贏咗

黃智雯昨日在工作中度過39歲生日,她說:「尋晚趙希洛匿咗喺場景度,12點鐘就走出嚟同我慶祝,好驚喜。」打入台慶頒獎禮「視后」最後5強的她願望是否攞獎?她說:「呢排拍緊劇,冇時間拉票都入到5強,信心係多咗,入到5強已經當贏咗。」

黃智雯獲一眾演員為她慶生。
黃智雯獲一眾演員為她慶生。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能