雅虎香港新聞 【放題2021】 13間CP值高火鍋/燒肉/點心任食餐廳 人均$85起！
放題任食都可以好高質！今次就介紹13間不同類型的超抵食放題，有火鍋、燒肉、點心放題、雞翼啤酒放題，部份更不用百多元就已經可以食到飽，約埋朋友、屋企人去大吃一餐啦！
全新Yahoo APP日日有獎，隨時抽中DON DON DONKI $1000現金券、Häagen-Dazs™ 現金券、天仁茗茶現金券以及高達1000YPoints，立即下載！
1. 人氣台式火鍋 牛大人台灣火鍋吃到飽
價錢：$138起
「牛大人」主打台式火鍋，火鍋共劃分為3種價錢，最平$168即可任飲任食！包安格斯牛肉等5款肉類，想食澳洲和牛則可選擇$248套餐，最吸引有多款台灣直送美食，好似秘製鴨血、秘製滷大腸、花膠及Mövenpick雪糕，CP值極高！
牛大人台灣火鍋吃到飽
地址：旺角彌敦道628號瓊華中心9樓、荃灣眾安街55號大鴻輝(荃灣)中心16樓、銅鑼灣駱克道463-483號銅鑼灣廣場二期5樓、尖沙咀加拿分道20號加拿芬廣場2樓、旺角彌敦道610號荷李活商業中心地庫
2. CP值高 一鍋堂
價錢：$148起
被網民稱為「高質任食火鍋」的一鍋堂，有多達16款火鍋湯底，如韓式泡菜湯、藥膳湯、櫻花蝦湯、沙參肉竹鯊魚骨湯等，最平$148起即任食，可選擇三種價位套餐。飲品除了罐裝汽水外，還有冰糖燉檸檬及蝶豆花茶，打邊爐怕熱氣都可以下火！
一鍋堂
地址：荃灣眾安街55號大鴻輝(荃灣)中心11樓、旺角豉油街60-104號XX Arcade東翼2樓
3. $398無限飲 101手工涮涮鍋
價錢：$398起無限時，生啤、紅白酒、Cocktail任飲
除了火鍋放題，101手工涮涮鍋的中午一人一鍋也很抵食，$58包三餸仲包特色飲品，而且還是可以觀賞到海景的台式火鍋店！晚上時段$398無限食同飲，最抵是多款酒類，生啤、紅白酒、Cocktail都是任飲，愛酒人士可以飲個夠！
101手工涮涮鍋
地址：銅鑼灣登龍街1號金朝陽中心2期29樓全層、尖沙咀厚福街9號豪華閣地下I2及j2號鋪及1樓全層
4. 牛角 抵食中午放題
價錢：$85起（中午時段，10款可選擇），$268起（晚上時段）
連鎖店「牛角燒肉專門店」牛角Buffet推出全新全日放題menu，現時部份分店現時設放題，分為早割/夜割時段，而中午時段特別抵食，可揀選十款不同肉類，不用$100都食到燒肉，和同事食Lunch也是不錯選擇！而晚上任食款式增至135款，$268起即可享用和牛放題及Buffet Zone內多達40餘款美食、甜品及飲品，有超過20款食物新登場，包括燒菠蘿、明太子冷烏冬、迷你甜薯、鴨肝多士等等！
食べ放題実施店舖地址：西九龍奧海城2期1樓128A號、香港仔中心商場4期1樓45號舖、屯門市廣場1期2樓2173-2182號舖、九龍深水埗V Walk 2樓L2-116a號舖
牛角Buffet店店舖地址：旺角彌敦道639號雅蘭中心2樓209-213號舖、尖沙咀彌敦道132號美麗華廣場1期G08 & 09號舖
5. 燒肉加火鍋「兩食」放題 八歌仙
價錢：$228 （美國安格斯牛精選燒肉拼盤）
日式燒肉火鍋專門店「八歌仙」提供燒肉加火鍋「兩食」放題，套餐包括美國安格斯牛、A5日本和牛、M5澳洲和牛等肉類選擇，火鍋更有特調湯底，如壽喜燒、牛奶豆腐、鰹魚昆布、香辣地肉豬骨湯，可加$88享有酒精無限暢飲，鍾意燒肉同火鍋嘅朋友一定要試吓！
八歌仙
地址：旺角登打士街56號家樂坊8樓802號舖
6. 日式居酒屋 關東酒場 日式串燒海鮮放題
價錢：$178起
喜歡日本料理的朋友不要錯過！位於大角咀的日式居酒屋關東酒場，依家可任食招牌關東煮、海鮮、串燒、日式海鮮料理，包括蟹肉蟹膏飯定食、煎鵝肝飯定食等，只需每位$178起，價錢都算抵食，一解日本鄉愁也不錯！
Kanto Sakaba 関東酒場
地址：大角咀利得街11號利奧坊地下G504號舖
7. 懶人最愛串燒放題 歡喜燒
價錢：$148起 午市2小時放題 （只做星期六日及公衆假期）
位於觀塘的港式串燒放題專門店「歡喜燒」，主打抵食懶人自轉串燒，提供約30款肉類、丸類和蔬菜，更有迷你和牛漢堡、即叫即燒海鮮、各式熟食和甜品，適合家庭或朋友聚會去，午市時段最平，$148就可以任食兩個鐘，最適合同大胃王去！
歡喜燒 串燒放題專門店
地址: 觀塘駱駝漆大廈一期五樓C室
8. 流水蝦燒烤放題 蝦蝦燒 Cooking Haha
價錢：$328起
佐敦新開的流水蝦燒烤放題「蝦蝦燒 Cooking Haha」，店鋪佔地6000呎，環境夠寬敞！共有7條蝦缸，食客座位旁均有自己的蝦缸，可以即夾即燒新鮮的大頭蝦。除了有新鮮游水大頭蝦，更有逾10款海鮮、50款串燒和10款熟食任你食，價錢$328起，每位客人會送厚鱔串及鮑魚一隻！
蝦蝦燒 Cooking Haha
地址：佐敦白加士街10-24號永富大廈1樓
9. 平食五星級酒店點心 海雲天
價錢：$158
喜歡吃點心的朋友注意！五星級酒店九龍海逸君綽酒店餐廳「海雲天」，最近的點心放題還有全新芫荽系列加入，任食芫荽腸粉、芫荽蝦餃、芫荽流沙包等等，另外仲有多逹40款即叫即做的點心小食、粥粉麵及甜品。每位食客更會獲贈原隻鮑魚酥、花膠灌湯餃，好抵食！
海雲天
地址：紅磡德豐街20號九龍海逸君綽酒店2樓
10 .黑松露點心放題 利寶閣
價錢：$134起
粵菜酒樓利寶閣推出2小時點心放題，網上優先預訂有85折優惠，低至每位$134。最近的黑松露主題推出40款精緻手工點心，全部即叫即蒸，包括黑松露牛柳、黑松露鮮蝦餃、黑松露蝦多士等，百幾蚊值得一試﹗
利寶閣
地址﹕大角咀海庭道 18 號奧海城二期商場 UG01 號舖、銅鑼灣波斯富街 99 號利舞臺廣場 21 字樓、尖沙咀彌敦道 100 號 The ONE 17 樓、觀塘開源道 79 號鱷魚恤中心 9 樓
11. 任食炸雞 Sodam Chicken
價錢：$98起 （午餐優惠限時75分鐘）
銅鑼灣韓式炸雞店Sodam Chicken推出炸雞放題，午餐優惠時段最平$98可以任食多款炸雞及Pizza，包括新推出的芫荽炸雞及墨西哥香辣焗雞，平日晚市及假日就全日$128，限時90分鐘都好抵食！
Sodam Chicken
地址：銅鑼灣耀華街3號百樂中心7樓
12. 雞翼控必食 Wingman
價錢：$128起，90分鐘雞翼放題
雞翼控們召集！人氣雞翼專門店「Wingman」最近新開旺角分店，提供90分鐘雞翼放題，全部雞翼都是即叫即炸，有多達18款口味，包括水牛城雞翼、蜂蜜Wasabi雞翼、鹹蛋黃味雞翼、蒙古燒烤味雞翼等等，仲可以任食即炸薯條、蕃薯條，好滿足！
Wingman
地址：旺角彌敦道594-596號旺角新城17樓
13. 任食雞翼＋無限暢飲放題 Upper Bar & Restaurant
價錢：$99起
旺角露天酒吧餐廳Upper Bar & Restaurant由即日至2021年6月30日推出網上預訂3個放題優惠，包括任食雞翼、薯條、甜品、無限暢飲放題，最平$99就歎到！約埋朋友去輕鬆吓都唔錯！
Upper Bar & Restaurant
地址：旺角豉油街15號萬利商業大廈4樓
相關連結：
