新聞女王｜佘詩曼何廣沛上演火辣床上戲 網民嫌男方唔夠fit配唔起阿佘

台慶重頭劇《新聞女王》由佘詩曼、李施嬅及馬國明主演，喺前日（20日）首播後掀起網民熱烈討論。佘詩曼喺劇中飾演充滿霸氣嘅SNK News首席女主播「Man姐」文慧心，除咗喺新聞部與其他主播展開勾心斗角嘅職場大戰之外，佢仲會分別與何廣沛及譚俊彥有感情線。

喺噚晚（21日）第二集，48歲嘅佘詩曼同細13歲嘅下屬何廣沛率先上演火辣床上戲，著上黑色吊帶低胸睡衣，與何廣沛床上纏綿，何廣沛赤裸上身身從後緊抱佘詩曼，，之後喺開完支票俾仁心基金及車房，何廣沛一邊聽從佘詩曼嘅吩咐，一邊錫佘詩曼嘅香肩，並問「要唔要嚟多次？」，不過佘詩曼就話「仲有5分鐘就到11點。」跟住呢場親熱戲碼就結束。

雖然佢哋上演火辣床上戲，不過網民就將焦點放喺何廣沛嘅身型上，留言狠批佢唔夠fit，冇腹肌配唔起佘詩曼，仲指呢個角色可能搵吳偉豪飾演仲適合。不過佘詩曼早前接受傳媒訪問時就大讚何廣沛好努力，仲爆出監製恐嚇何廣沛要用三個星期時間操身型，如果唔係就換人。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！