【新酒店比併】新加坡3大最新酒店 豪華瀑布酒店+青年Hostel!

image

新加坡離香港3個鐘機程,不過作為東南亞區中最發達嘅國家,定時定候都有新景點新酒店,而且新加坡勝在夠發達,有嘢食有親子樂園,滿足到唔同遊客。今日介紹3間今年先開業嘅新酒店,各有風格特色,睇下有無啱心水啦。

瀑布泳池:Village Hotel At Sentosa

新加坡海濱區聖淘沙就係最貴嘅酒店區,當中唔少豪華酒店都於當地插旗,今年4月就最新開幕一間名為「Village Hotel At Sentosa By Far East Hospitality」,由遠東集團管理,當然有一定品牌效應,最引人注目當然係酒店入面嘅瀑布泳池,而全間酒店都是大自然作為主題,尤如綠洲一樣。

入住報告

舒適度:*****(以5星為滿分)

作為聖淘沙酒店群之一,當然非常舒適。酒店以大自然風為主,客房都非常綠油油,而且每間房最細都有220呎之大。

image
image

設施:*****

瀑布泳池當然係賣點,當中有水療池、土耳其浴場、人造浪池等,剩係玩水都可以玩足一日!

image
image

抵玩度:***

11月時淡季每晚價錢連稅約$1,500左右,新加坡標準5星級酒店價格。

Village Hotel At Sentosa By Far East Hospitality

預訂:按這裡

Budget之選:Holiday Inn Express

新加坡地方唔大,除咗海濱區,鬧市入面酒店都比較細,不過今年年頭都開咗一間Budget之選,就係Holiday Inn Express。大家都應該知係走平價路線,而且適合一、兩個人,對住宿無乜要求就可以。呢間酒店似青年Hostel,設計好Young好Colourful,不過勝在唔會死氣沉沉。

入住報告

舒適度:***(以5星為滿分)

客房最細只有170呎,走Budget路線當然唔好指望會太靚;不過勝在開業不足一年,夠新淨!

image
image

設施:***

只有簡單Cafe餐室提供簡餐;另外仲有Gym Room,而客房設備夠用,短期住宿無問題。

image
image

抵玩度:****

地點方便又新淨,而每晚連稅約1千左右;都算抵玩!

Holiday Inn Express

預訂:按這裡

市中心之選:Fraser Residence Orchard

新加坡最市中心嘅地點就係烏節路,當然最方便就係住附近,難得有一間年頭先開嘅新酒店,位於離烏節站幾分鐘路程;唔好以為係Budget酒店,設施一啲都馬虎,有大型露天泳池,而且話明「Residence」,每間房都有成280呎大,仲有廚房、洗衣機等!

入住報告

舒適度:*****(以5星為滿分)

設計似高級住宅,感覺好Warm好柔和,唔似一般冷冰冰嘅酒店感覺,加上空間大,住得舒服!

image
image

設施:*****

市中心都有大型泳池;有兒童設施及托兒服務,有露天庭園可以供住客BBQ。

image
image

抵玩度:****

由於屬於服務式住宅,最少要住6晚,平均每晚1千,其實好抵!

Fraser Residence Orchard

預訂:按這裡

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能