方中信玩謝陳家樂:乜你結咗婚咩?

陳家樂被方中信點中「死穴」,不停求饒。
陳家樂被方中信點中「死穴」,不停求饒。

藝人方中信陳家樂前晚出席宣傳活動,講到前者日前手戴價值200萬名錶跟老婆莫可欣提前慶祝生日,他即場拉高衫袖展示手錶:「依家呢隻2,000幾蚊咋!嗰隻我當投資玩吓啫!(送錶畀老婆做生日禮物?)梗係送近排新鮮出爐嘅電話。」

陳家樂笑言「學到嘢」,被方中信乘虛而入:「乜你結咗婚咩?拍咗拖幾耐?」被點中「死穴」的陳家樂不停求饒:「唔好講呢啲啦!拍戲就拍咗幾年。」方中信咬住唔放笑指對方有好多女Fans,又稱呼他做「Lok哥」,陳家樂即高呼受不起:「覺得信哥唔講嘢個樣好惡,眼神又利唔敢望。」方中信抵死再「進攻」:「你講真話咪唔使避我眼神囉!」笑翻全場!