旅行時發現旅伴有鼻鼾 4招幫你解決

image

去旅行來講,去咩景點玩,去咩餐廳食飯,去邊度買嘢,固然都係大家會注意同重視嘅嘢,不過當中唔少得嘅,更加係夜晚張床瞓得夠唔夠舒服。但好多時唔係張床唔舒服嘅關係,而係隔離嗰個嘅鼻鼾聲。如果遇着隔離個個訓覺有鼻鼾,醒你以下四招,等你可以有覺好訓。

1.嘗試跟對方節奏

當你聽到隔離嗰個嘅鼻鼾聲嘅時候,嘗試調節自己呼吸跟住佢,然後你慢慢就發覺可以跟隨着對方嘅呼吸節奏入睡。

2.早少少瞓

如果你明知對方有嘅問題,不妨嘗試下早半個鐘瞓覺,提早瞓着自然可以減低被鼻鼾聲嘈醒嘅機會。

3.自製噪音

講緊嘅噪音唔係話一啲好大干擾嘅聲音,而係一啲可以幫助你放鬆入眠嘅音樂或者聲音,例如係海浪聲或者一啲靈性音樂,係呢啲音樂伴隨之下自然比較容易隔離鼻鼾聲。

4.叫對方打側瞓

鼻鼾聲係因為舌頭後墜塞住咽喉,令到氣管收窄而發出嘅聲音,所以如果係另一半或者係好朋友嘅話,不妨叫佢哋打側瞓,鼻鼾聲就會 相對減低。

相片來源:mensweardog@tumblr