古天樂連任月餅代言人自揭整餅曾被嫌棄 獻計本土品牌融入香港電影 「蜜」謀開拍中秋愛情片迎佳節

古天樂今年再度獲香港本土名牌餅店邀請擔任代言人，早前他拍攝廣告硬照，換上 多個禮服造型，盡顯古仔跟品牌的非凡尊貴形象。拍攝時美點當前，古仔都忍不住品嚐蛋卷、 禮餅等，並即場向餅藝師傅偷師，還自爆曾下廚整餅經歷。

古仔更受到這天拍攝啟發，有意開拍中秋題材的電影，即時想到一條拍片大計，希望將香港名 物融入港產片，合力推介給觀眾及遊客。

跟去年拍攝硬照不同，今年古仔多了個拍檔，就是餅藝大師葉永華師傅，古仔鏡頭後還跟葉師 傅交流，原來古仔都有試過下廚整餅，雖然巨星親手製作，但古仔都話慘被人嫌棄，他帶點靦 覥的說：「月餅對我嚟講係一件好難做嘅事，基本上冇咩可能完成，師傅話做月餅最緊要就係 要專心同專注去做好個餅，以前我都有試過做曲奇餅，派畀啲老人家食啊，但畀啲朋友食完之後，個個都叫我以後唔好再整喇，因為我真係唔識整嘢食。」

講到月餅，身兼香港演藝人協會會長的古仔，指每年都會透過轄下慈善基金，派月餅到單親家庭、社福團體等有需要人士。

出名孝順的古仔，每年中秋幾忙都要回家跟父母食飯，前年2022年，對他而言也算難忘，邊忙著手頭上的工作，邊趕回家與家人渡佳節。「其實我哋呢行做冬同埋中秋節都係唔駛開工，但係記得有一年，就係因為宣傳《明日戰記》。嗰一年都要去謝票宣傳，但都有趕返去屋企食飯，食完飯再出門繼續謝票宣傳，呢一年比較難忘。」

古仔對今次代言的餅店推出「香港故事」系列餅食禮盒特別感興趣，皆因各款紙盒包裝均印上 不同的香港代性建築物及景點，成為遊客必買的香港特色手信。古仔就靈機一觸，指香港電影向來都受外國影迷歡迎，本土品牌不妨植入宣傳，藉電影吸引更多遊客到訪香港，兼搜購特色手信。「我前幾日睇咗一條片，就係講一個拉麵店，靠當地嘅一啲電視劇炒高人氣，每一集裡邊都有對白講『不如食埋個拉麵先走啦﹗』，而演員真係有食，自此之後呢個拉麵就成功咗，變得好出名。我覺得如果將一啲產品擺入一部電影入邊，唔係刻意嘅，劇情安排演員去食吓，其實係一個可以好好幫到產品嘅宣傳方法。」

古仔言出必行，即時聯想到今次合作品牌，指對方紮根香港多年，可以植入港產片情節，相得益彰，電影主題當然就跟中秋有關，古仔續說：「如果中秋拍嘅題材，我諗係愛情故事，可能嘅話放一啲中國傳統元素裡面，譬如嫦娥，我覺得可以諗下嘅，不過香港拍愛情片，就唔知點解比較少啲，但呢個都係一個好好嘅諗法嚟。」