雅虎香港新聞 日常生活必備10大好用免費App 煲劇、辭職擇日、買禮物通通齊
2019年重新出發，由手機著手！編輯趁著新一年好好整理手機App！除了delete了日常生活沒大用處的App，保留工作需要的App及社交媒體App外，更趁機從中挑選了10個日常生活最實用的App，立即和大家分享！
打算辭職轉工的朋友必備App：辭工吉日
▲辭工吉日 App
打算新一年拎完雙糧Bonus就辭職轉工的打工仔，毋須再煩惱哪一天辭職了！因為辭工吉日一圖睇晒哪天辭職最著數，尤其連假最後一日即last day，仲有糧出！（shu!!!唔好被上司發現你下載呢個App啊！）順帶一提，打算辭職也要學懂辭職禮儀啊。
喜歡用IG的朋友必備App：StoryArt
▲StoryArt App
每分每秒都用IG Story報告最新動態的朋友，齋影相、拍片、Boomerang實在太悶！快點下載StoryArt傍身，內設大量免費靚靚template，可以合拼圖片及影片，一個IG story即可帶出多款美食照、風景相，毋須出N咁多個Story炸爆朋友啦！
煩惱買禮物的朋友必備App：Pinkoi
▲Pinkoi App
不止生日禮物，還有情人節禮物、結婚禮物、聖誕節禮物、入伙禮物、百日宴禮物等等...每次一想到要買禮物就頭痛的你，手機裡一定要有Pinkoi App! Pinkoi雲集香港及亞洲各地設計師的作品，衫褲鞋襪以至精品首飾、日常用品應有盡有，且款式絕非一般街頭可見，確保有心思！最重要是價位由幾數到幾千蚊都有，仲送到上門，男女必備！
想學外語的朋友必備App：Duolingo
▲Duolingo App
想學多日文、德文、法文、韓文等等多國語言，但又的唔起心肝去上堂，一於下載Duolingo，一個App有齊大量外語，由簡單發音學起，有埋專人發音及測驗，搭車時學習最方便！重點：免費的！
飲唔夠水的朋友必備App：Plant Nanny
▲Plant Nanny App
「一天八杯水」人人都知但未必人人做到，尤其工作忙起上來，廁所都無時間去，忘了喝水絕不出奇。所以小編下載了Plant Nanny飲水App，結合飲水提示及種植可愛盆栽遊戲，每次收到提示，見到盆栽唔夠水可憐兮兮的樣子，也會令你醒覺要飲水！Btw，提提你，飲水要飲得健康原來帶這些秘訣！
準時上班的朋友必備App：HK Traffic
▲HK Traffic App
需要打卡返工、遲到無勤工獎的朋友，呢個HK traffic非常實用！它能即時港九新界主要道路交通，實況反映路面交通狀況。對於需要搭巴士、小巴上班族而言非常實用。小編有時見勁塞車，都會立即改搭地鐵以免遲大到！
煲劇宅男宅女必備App：千尋影視
▲千尋影視 App
這絕對是小編大力推介的煲劇App，千尋影視有齊、中、西、日、韓、港、台多國多地電視劇、綜藝及電影，而且緊貼潮流，當晚播出的劇集翌日就有得睇。最貼心之處是，所有劇都可以事先下載，無WiFi都可收看，唔怕爆data！（坐飛機時也可收看呢！）
單身朋友必備App： Coffee meet Bagel
▲ Coffee meet Bagel App
2019年要告別單身，記得下載交友App物色對象！試過Tinder、happn、lunchclick等App，編輯還是最愛Coffee meet Bagel（試用感受分享），對象質素正常至偏高，App的操作也很方便。小編身邊也有不少女生朋友靠它脫單呢！
食好西的朋友必備App：The Gulu
▲The Gulu App
小編鍾意同朋友食好西，卻不喜歡花數十分鐘排隊，浪費青春。對付那些晚晚滿座卻不接受電話訂座的食肆，出動The Gulu吧！這個App可以查到你附近有什麼餐廳，以及輪候狀況，用App排隊等位。當見到就到你入座時才到餐
經常AA制的朋友必備App：PayMe
▲PayMe App
有用PayMe App的朋友都大讚太方便，除了平時跟同事朋友食飯、搭的士，需要AA制，用PayMe來攤分款項外，不少市集、Online Shop也接受PayMe交易，有電子紀錄，數目分明。PayMe更推出QR code服務，即使沒有對方手機號碼，只要掃一掃QR code同樣能過數！
（如果是跟心儀對象約會，用PayMe AA制前，記得要學識AA制VS請客技巧！）
推薦閱讀:
➤ 9 個日本自由行必備App推介！日本旅遊達人：「不懂日語也 OK！」
➤ 2019 玩交友App 5大技巧 教你篩走渣男、成功尋好姻緣！
Follow us on:
Facebook: CosmoHK
Instagram: @cosmopolitan_hk
YouTube: CosmopolitanHK
